"QazMunaiGaz" AQ basqarma tóraǵasynyń ekonomika jáne qarjy jónindegi orynbasary Dáýren Qarabaev ulttyq kompaniiada KQK-daǵy jaǵdaiǵa bailanysty munai jóneltý boiynsha problema joq ekenin aitty, - dep habarlaidy Tengrinews.kz tilshisi.
"Ózderińiz de bilesizder, qazirgi ýaqytta Kaspii qubyr konsortsiýmyndaǵy (KQK) eki VPÝ-da jóndeý jumystary júrgizilip jatyr, úshinshi qurylǵy qalypty jumys istep tur. Sonymen qatar, QMG-da qazirgi ýaqytta munaidy tasymaldaýda eshqandai problema joq. Tasymaldaý qýattary bizdiń qazirgi deńgeige sáikes keledi jáne qazirgi óndiris kólemin qanaǵattandyrady", - dedi Qarabaev ulttyq kompaniia brifinginde.
Bul rette ol QMG munai eksportynyń yqtimal balamaly baǵyttarynyń ártúrli nusqalaryn zerttep jatqanyn atap ótti.
"Olardyń bári (balama marshrýttar) qazir ázirlenip jatyr. Biz egjei-tegjeiin taǵy habarlaimyz", - dedi Dáýren Qarabaev.
Spikerdiń aitýynsha, QMG-nyń iri jobalardaǵy úlesin eskere otyryp, munai óndirý alty aida 10,7 million tonna munai bolǵan, bul byltyrǵy birinshi jartyjyldyqpen salystyrǵanda 0,3 paiyzǵa artyq.
Sondai-aq, Qarabaevtyń aitýynsha, ilespe jáne tabiǵi gazdy óndirý kólemi 0,8 paiyzǵa ósip, 4,1 milliard tekshe metr bolǵan.
