«Samuryq-Qazyna» qory quramyndaǵy 40 kásiporyn jekeshelendiriledi, dep habarlaidy QazAqparat agenttigi.
Bul týraly QR Premer-Ministri Álihan Smaiylov QR Prezidenti Qasym-Jomart Toqaevtyń iri biznes ókilderimen kezdesýinde aitty.
«Biyl jáne kelesi jyly QazMunaiGaz, Eir-Astana, Qazaqgaz siiaqty kompaniialardy IPO-ǵa shyǵarý josparlanyp otyr.
Jalpy, osy kezeńde «Samuryq-Qazyna» holdinginiń shamamen 40 kásiporynyn jekeshelendirý josparda bar. Olardyń tizimi jaqyn arada ashyq kózderde jariialanady», - dedi Úkimet basshysy.
Premer-Ministrdiń aitýyna qaraǵanda, Prezident tapsyrmasynyń aiasynda «Samuryq-Qazyna» qorynyń tiimdiligi men ashyqtyǵyn arttyrý, otandyq biznesti uzaq merzimdi offteik-kelisimsharttar arqyly qoldaý sharalaryn qyzmetin reformalaýdyń joldary ázirlenip jatyr.
«Qor ekonomikanyń basym baǵyttaǵy salalaryna memleket atynan jumys isteitin seriktes retinde jeke investitsiialardy tartýǵa yqpal etetin bolady», - dedi Álihan Smaiylov.
