Qarjylyq máselelerge bailanysty «QazMunaiGaz» ulttyq kompaniiasy qyzmetkerleriniń jalaqysy qysqarmaq, dep habarlaidy QazAqparat.
«Mamyr aiynda «QazMunaiGaz» kompaniiasynyń basqarma sheshimimen ortalyq apparatta jalaqy tóleýdiń jańa júiesi bekitildi. Ol júie boiynsha basshylyq quramynyń jalaqysy 30 paiyzǵa azaiady. Al basshylyq qyzmetterdiń sanynyń qysqarýyna bailanysty tómengi laýazymǵa taǵaiyndalatyn orta býyndy menedjerlerdiń jalaqylary 20 paiyzǵa tómendeidi. Basqa – qatardaǵy qyzmetkerlerdiń jalaqysy burynǵy deńgeide saqtalady», - dedi «QazMunaiGaz» UK» AQ adami resýrstardy basqarý jónindegi atqarýshy direktory Dáýletjan Hasanov OKQ-da ótken baspasóz máslihatynda.
Sonymen birge, Dáýletjan Hasanov «QazMunaiGaz» kompaniiasy qarjylyq jaǵdaiǵa bailanysty syiaqydan bas tartqanyn málim etti.
«Jyl sońyna deiin eshqandai syiaqy nemese bonýstar tólenbeidi. Munai naryǵynda qalyptasqan jaǵdai qanshalyqty qiyn bolsa da biz árbir qyzmetkerdiń, olardyń otbasynyń aldyndaǵy áleýmettik jaýapkershiligin tolyq sezinemiz. Sondyqtan «Samuryq-Qazyna» ulttyq ál-aýqat qorynyń tapsyrmasy boiynsha áleýmettik jaýapkershilik boiynsha baǵdarlama ázirledik. Osy baǵdarlamaǵa sáikes biz jumyssyz qalǵan qyzmetkerlerge barynsha qoldaý kórsetemiz», - dedi ol.
