© Sputnik / Vladislav Vodnev
"QazMunaiGaz" ulttyq kompaniiasynyń basshysy Maǵzum Myrzaǵaliev halyqqa satylatyn aktsiialardyń tabysy týraly aitty, dep habarlaidy Sputnik Qazaqstan.
Qazirgi josparǵa sáikes, institýtsionaldy investorlar, iaǵni zańdy tulǵalardan ótinish 30 qarashaǵa deiin, al jeke tulǵalardan 2 jeltoqsanǵa deiin qabyldanady. Odan keiin arnaiy komissiia kimge jáne qansha aktsiia beriletinin anyqtaidy. Tártip boiynsha satýǵa shyǵarylatyn aktsiialar aldymen jeke tulǵalar arasynda taratylady. Odan keiin ǵana iri zańdy tulǵalarǵa satylady.
"Al aktsiialar qanshalyqty tabysty bolady degen máselege kelsek, biz aldymen qarjylyq konsýltanttarymyzǵa – birneshe bankke súienip otyrmyz. Olardyń boljamyna sáikes, qysqa merzimdi prespektivada aktsiialardyń ósimi 30-50 protsentti quraidy", - dedi Myrzaǵaliev astanada ótken brifingte.
"QazMunaiGaz" ulttyq kompaniiasynyń qyzmetkerlerine shekteý qoiylmaidy. Olar da jeke tulǵalar bolyp sanalady. Sondyqtan saýda-sattyqqa emin-erkin qatysa beredi.
"Jyl sońyna deiin aktsiialar árbir investordyń qaltasyna túsedi. Al dividendter jyl saiyn tólenedi, árbir jyldyń qorytyndysy birinshi toqsannyń sońyna deiin, iaǵni 31 naýryzǵa deiin shyǵarylady, sodan keiin tólem jasalady", - dep túiindedi Myrzaǵaliev.
Aita keteri, "QazMunaiGaz" kompaniiasyna tiesili aktsiialardyń 5 protsenti, iaǵni 30 505 974 aktsiia birja arqyly satylady. Bir aktsiianyń baǵasy – 8,4 myń teńge.
