Memleket basshysy Qasym-Jomart Toqaev Qazaqstan qiyn kezeńdi bastan keshirip jatqanyn aitty, dep habarlaidy "Ult aqparat".
«Jalpy alǵanda, qazirgi jaǵdaiymyz jaqsy emes. Tipti, ahýal óte kúrdeli dep aitýǵa bolady. Koronavirýs indeti qaita órship keledi. Muny Qazaqstan ǵana emes, kóptegen elder bastan ótkerýde. Onyń negizgi sebebi virýstyń mýtatsiialanǵan jańa shtamdary bolyp otyr.
Oǵan qosa, azamattarymyz jáne biznes ókilderi indetten ábden qajyp, sonyń saldarynan saqtyq sharalaryna salǵyrt qarai bastady. Bul, árine, jaǵdaidy odan beter ýshyqtyrýda. Degenmen kóptegen sarapshylardyń aitýynsha, 2021 jyly jalpy ahýal jaqsaryp, qaita ósim bolyp, pandemiiadan keiin azamattardyń turmys sapasynyń artýyna múmkindikter bar», - dedi Prezident elimizdegi koronavirýs indetine bailanysty epidemiologiialyq ahýal jónindegi keńeste.
Toqaev aqpannan beri elge PTR-anyqtamasyz ushyp keletin jolaýshylar sany eki esege artqanyn atap ótti. Eger 2020 jyldyń qaragasynda olardyń úlesi 7,3%-i qurasa, qazir 27%-ke jetken.
"Saldarynan elde juǵý qaýpi joǵary úsh mýtatsiialanǵan shtammnyń bar ekeni rastaldy. Aýrýdyń taralýymen qatar aýyr jáne óte aýyr háldegi naýqastar sany, sondai-aq, ólim-jitim kórsetkishi ulǵaiýda. Munymen qosa, dári-dármek pen meditsinalyq buiymdardyń, jabdyqtardyń jetispeýshili baiqalady. Ortasha alǵanda jansaqtaý bólimderi 64%-ke ǵana jasaqtalǵan. Densaýlyq saqtaý júiesine shamadan tys salmaq túsýi múmkin. Osyǵan bailanysty úkimet pen óńir ákimderine jansaqtaý bólimderin jasaqtaýǵa qatysty sharalar qabyldaýdy jáne bas dárigerler men ákim orynbasarlarynyń jeke jaýapkershiligin bekitýdi tapsyramyn", - dedi Prezident.
