«Qazgidromet» RMK basshysy Marat Qynatov QR IIM Tótenshe jaǵdailar komitetiniń tóraǵasy Vladimir Bekkerdiń synyna jaýap berdi, dep habarlaidy QazAqparat tilshisi.
M.Qynatovtyń aitýynsha, elimizdiń Tótenshe jaǵdailar komiteti 2018 jyldan beri «Qazgidrometpen» birge jyra, alqap, orman alqabtaryn aralap shyǵý jumystaryn qolǵa alǵan. Al bul bastamany «Qazgidromet» kóterip, TJK 4 ai ótkennen keiin ǵana ortaq buiryqqa qol qoiýǵa kelisken.
«Sinoptikalyq boljam máselelerine qatysty aitar bolsam, 31 naýryzda Kókshetaý qalasynda 15 sm emes, «Qazgidromet» boljamyna sáikes birqalypty, 4 mm aralas (jańbyr, qar) jaýyn-shashyn jaýdy. Jaýyn-shashyn tek bir jerge jaýmaidy. Olar tsiklondardyń yǵysý traektoriiasy boiynsha jaýady. Diametri 500-3000 shaqyrymǵa jetetin aýa raiy jaǵdaiyn anyqtaityn sinoptikalyq protsester tsiklon/antitsiklondardyń yqpalyna bailanysty», - dedi ol.
Onyń atap ótýinshe, turaqsyz aýa raiyn (qatty jaýyn-shashyn, jel, temperatýranyń tez túsýi jáne t.b.) anyqtaý deńgeii 7 kúnge deiingi aralyqta quraidy. Sondyqtan ýaqytyn, ornyn jáne tsiklonnyń týyndaý aralyǵyn anyqtaýǵa arnalǵan bir ailyq boljamdar tómengi dáldikke ie. Al vedomstvonyń Gidromet ortalyǵynda 1, 3 jáne 7 kúnge boljam (tiisinshe 96% - 91%) joǵary deldikpen biriledi.
«Ókinishke orai atmosferalyq protsesterdi, aýa raiy boljamyn jasaýdyń kúrdeli ózgeshiligin túsinbeý Vladimir Bekkerdiń «Qazgidromet» boljamdaryna qatysty qate pikirge túrtki bolyp otyr. 2018 jyldan bastap 2019 jyldyń 4 sáýirine deiin V.Bekkermen iskerlik kezdesýler barysynda «Qazgidromet» boljamdaryna narazylyq bildirý bolmaǵan. TJK basshylyǵyn gidrologiialyq boljaý jáne aýa raiyn boljaý boiynsha jumystyń ózgeshiligimen tanysýǵa shaqyramyn», - dedi M.Qynatov.
