«Qazfosfat» JShS-nyń baspasóz qyzmeti atalǵan kásiporyn basshylyǵynyń qamaýǵa alynǵany týraly aqparatqa qatysty resmi túsinikteme berdi, dep habarlaidy QazAqparat.
«Qazfosfat» JShS basshysy Nurhan Nurlanovqa qatysty tarap jatqan aqparattyń shyndyqqa janaspaitynyn resmi túrde málimdeimiz. Kásiporynda eshqandai tintý júrgizilgen joq. N. Nurlanovqa qatysty eshqandai organ tarapynan ustaý áreketi bolǵan emes. Tarap jatqan aqparat – feik», - degen habar tarady atalǵan mekemeden.
Sondai-aq, «Qazfosfat» JShS-nyń baspasóz qyzmeti azamattar men uiymdardyń quqyqtary men zańdy múddelerine ziian keltiretin jalǵan málimetterdi taratýshy QR Qylmystyq kodeksiniń 274-baby boiynsha jazalanady.
Eske sala ketsek, keshe Taraz qalasyndaǵy «Qazfosfat mineraldy tyńaitqyshtar» JShS zaýytynda apat boldy.
Al búgin QR Ekologiia, geologiia jáne tabiǵi resýrstar ministrligi «Qazfosfat» mineraldy tyńaitqyshtar JShS Jambyl filialyndaǵy apatqa bailanysty jospardan tys tekserý júrip jatqanyn málim etti.
