Tarazda "Qazfosfat" seriktestiginiń jergilikti filialyna jospardan tys tekseris bastaldy, - dep habarlaidy "Ult aqparat" Ekologiia, geologiia jáne tabiǵi resýrstar ministrligine silteme jasap.
"11 shilde saǵat 20:00-de Qazfosfat mineraldy tyńaitqyshtar JShS JF kúkirt qyshqyly tsehynda avariialyq jaǵdai oryn aldy, zaýyttyń aqparaty boiynsha absorberdiń monogidratty sorǵysy isten shyqqan. Nátijesinde gaz (kúkirt trioksidi) taraǵan.
Bolǵan apat týraly jedel aqparat alǵan Jambyl oblysy boiynsha ekologiia departamentiniń basshylyǵy men zerthanalyq taldaý bóliminiń basshysy Taraz qalasynyń prokýratýrasymen birlesip, saǵat 21:20-da Súleimanov kóshesindegi zaýyttyń sanitarlyq-qorǵaý aimaǵyn ólshep, ftorly sýteginiń edáýir artqany anyqtalǵan. Ammiak, kúkirtsýtek jáne kómirtegi oksidi boiynsha asyp ketý anyqtalǵan joq.
Sondai-aq saǵat 22:05-te Shaiqoryq kentiniń mańyndaǵy zaýyttyń SQA-da uqsas lastaýshy zattarǵa ólsheý júrgizildi, lastaýshy zattardyń artýy anyqtalǵan joq" - delingen vedomstvo habarlamasynda.
«Qazgidromet» RMK Jambyl filialynyń aqparaty boiynsha qalada aýanyń lastanýy qalqyma bólshekter boiynsha 1 ShJK aspaityn deńgeide baiqalǵan.
"Zerthanalyq quraldarmen qaita jaraqtanyp, Polar gaz analizatoryn alǵan Departament qyzmetkerleri, sonynan prokýratýra organdarynda tirkeletin, kúkirt qyshqyly tsehynyń lastaýshy zattar shyǵaryndylarynyń kózinde ólsheýler júrgizý úshin, QR Kásipkerlik kodeksiniń negizinde «Qazfosfat» mineraldy tyńaitqyshtar JShS-na jospardan tys tekserýge bardy, alaida ólsheý kezinde tseh jumysyn toqtatyp úrleý boiynsha jumystar júrgizilip jatty, osy oraida lastaýshy zattardyń asyp ketýi anyqtalǵan joq.
Jospardan tys tekseris barysynda shtattan tys bolǵan jaǵdaidyń mán-jaiyn jáne sebepterin anyqtaý úshin kameraldyq baqylaý júrgiziledi. Jospardan tys tekserý nátijeleri týraly aqparat ol tirkelgennen keiin qosymsha jiberiledi" - deidi ministrliktiń baspasóz qyzmeti.
Qazirgi tańda, departament jáne Qazgidroment mamandary birlesip atmosferalyq aýanyń jai-kúiimen sapasyna monitoring júrgizip jatyr.
