Tabiǵi qazba bailyqtardyń saýdasynan túsetin qarajatty adami kapitaldy damytýǵa baǵyttaǵaý kerek. Mundai pikirdi S. Toraiǵyrov atyndaǵy Pavlodar memlekettik ýniversitetiniń rektory, ekonomika ǵylymdarynyń doktory, dotsent Meiram Begentaev bildirdi, dep habarlaidy QazAqparat.
«Biz búgin bolashaq damý negizin qalaý úshin tabiǵi qazba bailyqtardyń saýdasynan túsken kiristerdi tiimdi paidalanýymyz kerek. Onyń esebinen adami kapitaldy damytý qajet. Bul iske Prezident Qasym-Jomart Toqaev biylǵy Qazaqstan halqyna arnaǵan Joldaýynda erekshe kóńil bóldi.
Osyǵan bailanysty joǵary bilim berý oryndaryń qyzmeti básekege qabiletti kadrlar daiarlaýdan bólek, kásipkerlerdiń jańa tolqynyn qalyptastyrýǵa baǵyttalady. Prezident tapsyrmasyna sáikes, «Kásipkerlik negizderi» páni Mektepten - JOO-ǵa deiin bilim berýdiń barlyq deńgeiinde oqytylýy kerek. Memleket basshysynyń sózderi S. Toraiǵyrov ýniversitetiniń alǵa qoiǵan damý strategiiasyna qoldaý jáne osy baǵyttaǵy jobalardy júzege asyrýda qosymsha jaýapkershilik júkteidi», - dedi Meiram Begentaev.
Rektor Joldaýda aitylǵan el ekonomikasyn sheteldik investitsiialar esebinen turaqtandyrý bastamasyna qatysty pikir bildirdi.
«Sheteldik investitsiia – ekonomikamyzdyń básekege qabilettiligin arttyrýdyń bir joly. Degenmen, biz investitsiia ekonomikalyq jáne qarjylyq táýeldilikke aparmas úshin senimdi seriktesti durys tańdaýymyz kerek. Basqa jaǵynan qarasaq, pandemiia damyǵan memleketterdiń iri jumys berýshilerge qatysty kommertsiialyq kásiporyndardy memleket biýdjetinen qarjylandyrýdan ońai bas tarta alatynyn kórsetti. Sondyqtan seriktesterimizge qatysty illiýziiaǵa boi aldyrmai, tek ózimizge senýimiz kerek. Ózimizdiń qabilet-qarymymyzǵa qarai artyqshylyqtarymyzdy damytý mańyzdy. Sonda eńbekti bólýdiń halyqaralyq naryǵynan barynsha paida kóremiz», - dep pikir bildirdi Meiram Begentaev.
Eske sala keteiik, koronavirýs indetine bailanysty elimizde qoiylǵan shekteý sharalary birtindep alynyp, el ekonomikasynyń barlyq salasynda ósim tirkele bastady. Bul týraly qańtar-qyrkúiek ailaryndaǵy áleýmettik-ekonomikalyq damý qorytyndylary baiandalǵan Úkimettiń selektorlyq otyrysy barysynda málim boldy.
