«QazAvtoJol» UK» AQ tehnikalyq saiasat jáne sapa departamentiniń direktory Nurlan Qurmanbekov «E-QURYLYS» júiesiniń jańa kelisimsharttarda qoldaný merzimin atady, dep habarlaidy "Ult aqparat".
«E-QURYLYS júiesi qurylys protsesteri men qurylys jumystarynyń sapasyn baqylaýǵa arnalǵan júie. Bul jýrnaldardy júrgizýdiń biryńǵai júiesin, oryndaý qujattamalaryn, smeta qujattaryn aqparattyq alańǵa shyǵarýǵa múmkindik beredi. Osylaisha qaǵaz-qujat ainalymyn 66 paiyzǵa azaitady. Sondai-aq qujattardy maquldasý barysy da elektrondy formatqa aýystyrylady. Iaǵni qazirgidei qaǵaz joldap júrmei, maquldasý ýaqytyn qysqartyp, jumysty edáýir ońtailandyramyz», - deidi Nurlan Qurmanbekov kompaniianyń Instagram paraqshasynda suraqtarǵa jaýap bere otyryp.
Onyń aitýynsha, E-QURYLYS júiesi qurylys jumysyna qatysýshylar tiisti qujattardyń bárin elektrondy túrde kóre alady.
«Qazirgi ýaqytta Qurylys jumystary jónindegi komitetpen birge Qaraǵandy oblysynda merdigermen birlesip, pilottyq rejimde jóndeletin joldy aiqyndap aldyq. Iaǵni E-QURYLYS baǵdarlamasynyń testtik synaǵy Qaraǵandy oblysynda ótkiziledi. Osy jyldyń sońyna deiin test aiaqtalyp, sonyń qorytyndysy boiynsha esep daiyndap, 2021 jyldyń I toqsanynan bastap bul júie jańa kelisimsharttarda qoldanyla bastaidy», - dedi ol.
