Aýa raiynyń qolaisyzdyǵyna bailanysty 44 ýchaskede uzyndyǵy 5421 shaqyrym jol jabyldy, – dep habarlaidy «Qazavtojol» UK» AQ baspasóz qyzmeti.
«Aýa raiynyń qolaisyzdyǵyna bailanysty 44 ýchaskede uzyndyǵy 5421 shaqyrym joldyń qozǵalysyna ýaqytsha shekteý qoiyldy. Bul elimizdegi respýblikalyq mańyzy bar avtojoldardyń 21,7 paiyzyn quraidy. Jalpy, jol qozǵalysy 12 oblysta jabyq. Onyń ishinde eń kóp jabylǵan jol ýchaskeleri – Aqmola men Qaraǵandy oblystaryna qarasty», - dep habarlaidy «Qazavtojol» UK» AQ baspasóz qyzmetiniń basshysy Marjan Ordabai.
Jol qoǵzalysyna shekteý qoiylǵan eń uzyn bólik – Ekaterinbýrg-Almaty tasjoly. Qazir joldaǵy qar kúreý jumystaryna 840 arnaiy tehnika jumyldyrylǵan.
Aita ketsek, buǵan deiin QR Ishki ister ministrligi Aqkólden Nur-Sultanǵa osy ýaqytqa deiin joldyń ashylýyn kútken 150 kólik kele jatqanyn habarlaǵan edi.
