QazAvtoJol ulttyq kompaniiasynyń basqarma tóraǵasy Meiirhat Qasymbaev taiaýda Aqtóbe oblysynda tasyǵan sý respýblikalyq mańyzy bar joldy shaiyp ketý jaǵdaiyna qatysty túsinik berdi, dep habarlaidy QazAqparat.
«Iá, Aqtóbedegi jaǵdaimen tanyspyz. Bir aita keterligi, sý jaryp ketken jol sol qaita jóndeýden ótip jatyr. Iaǵni atalǵan tasjol áli paidalanýǵa berilmegen. Qazir tasjoldy jóndeýdiń jobalyq-smetalyq josparyn ózgertip, qubyrlaryn aýystyryp jatyrmyz. Aldaǵy ýaqytta tótenshe jaǵdai qaitalanbaidy degen oidamyz. Jalpy baiqam boiynsha sońǵy jyldary Aqtóbe oblysynda mundai kólemdegi iri kólemde sý tasqyny bolmaǵan», - dep jaýap qatty Meiirhat Qasymbaev Ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, osy kóktemde Aqtóbe oblysy aýmaǵynda 3 jol ýchaskesin sý shaiyp ketti.
«Qazirgi ýaqytsha sý basqan jol ýchaskeleri qaita jóndeýden ótip jatyrǵanyn eske salamyn. Iaǵni qoldanystaǵy joldar emes. Sonymen qatar jańadan salynǵan jáne jóndeýden ótken tasjoldyń sapasyna alǵashqy 5 jyl merdiger kompaniia jaýapty», - deidi ol.
