- «Qazatomónerkásip» UAK» AQ «QT Sirek metall kompaniiasy» birlesken kásiporny» JShS-niń jarǵylyq kapitalyndaǵy óziniń 51% qatysý úlesin satatynyn málimdedi, dep habarlaidy "Ult aqparat".
Baǵany tómendetý jolymen ótkiziletin elektrondy aýktsion 2016 jylǵy 21 jeltoqsan kúni Memlekettik múlik reestriniń www.gosreestr.kz veb-portalynda, Astana ýaqytymen saǵat 11:00 bastalady. Kásiporynnyń jarǵylyq kapitalyndaǵy 51% qatysý úlesi úshin suralatyn bastapqy baǵa 98 673 000 teńge.
«Sirek metall kompaniiasy» birlesken kásipornynyń bastapqy qyzmeti sirek jáne sirek jer metaldar, sirek jer metaldardan jasalǵan ónimder shyǵarýmen jáne olardy satýmen bailanysty bolǵan. Qazirgi kezde «QT Sirek metall kompaniiasy» BK» JShS «Mańǵystaý oblysynyń Túpqaraǵan aýdanynda qýaty 42,9 MVt-tyq «Fort-Shevchenko» jel elektr stantsiiasy (JES) qurylysy» jobasymen ǵana shuǵyldanady.
JES qurylysy úshin aýmaǵy 190 ga jer ýchaskesi 49 jylǵa jalǵa rásimdelip, tehnikalyq sharttar men energiia jelisine qosý úshin kelisim alynǵan. BUU damý baǵdarlamasynyń tapsyrysy boiynsha ústimizdegi jyly JES alańynda 50 m biiktiktegi jelge ólsheýler, topografiialyq jumystar men geologiialyq-tehnikalyq izdenister júrgizilip, stantsiianyń tujyrymdamalyq jobasy ázirlendi.
Aita keterlik jáit, atalmysh joba «2013-2020 jyldarǵa analǵan Qazaqstanda balamaly jáne jańǵyrtylatyn energetikany damytý jónindegi is-sharalar josparyn bekitý týraly» QR Úkimetiniń Qaýlysyna engen.
«Qazatomónerkásip» UAK» AQ ústimizdegi jyly óz quramyndaǵy 20 beiindi emes aktivti shyǵaryp, enshiles-táýeldi uiymdar sanyn 55-ke deiin qysqartty.
.jpeg)