Foto: "Qazatomónerkásip" UAK AQ
«Qazatomónerkásip» ulttyq atom kompaniiasy AQ-nyń basqarma tóraǵasy bolyp Meiirjan Júsipov taǵaiyndaldy. Bul týraly kompaniianyń baspasóz qyzmeti habarlady.
28 qyrkúiekte Direktorlar keńesi kompaniianyń basshylyq quramyna ózgeristerdi maquldaǵan.
Atap aitqanda, «Qazatomónerkásip» UAK AQ-nyń qazirgi basqarma tóraǵasy – Direktorlar keńesiniń múshesi Erjan Muqanov 2023 jyldyń 2 qazanynda qyzmetinen ketedi.
Onyń ornyna «Kazakh Invest» AQ-nyń basqarma tóraǵasy qyzmetin atqarǵan jáne 2015-2020 jyldar aralyǵynda «Qazatomónerkásiptiń» ekonomika jáne qarjy jónindegi bas direktory bolǵan Meiirjan Júsipov taǵaiyndaldy.
Budan bólek, kompaniianyń ekonomika jáne qarjy jónindegi bas direktory Sultan Temirbaevtyń 28 qyrkúiekten bastap «Qazatomónerkásip» basqarmasynyń quramyna kirýi maquldandy.
Osylaisha, qazirgi ýaqytta «Qazatomónerkásip» UAK AQ-nyń basshylyq quramy kelesidei:
- Meiirjan Júsipov, basqarma tóraǵasy (2023 jylǵy 2 qazannan bastap);
- Qýanysh Omarbekov, óndiris jónindegi bas direktor;
- Dastan Kósherbaev, kommertsiia jónindegi bas direktor;
- Sultan Temirbaev, ekonomika jáne qarjy jónindegi bas direktor;
- Ermek Qýantyrov, quqyqtyq súiemeldeý jáne korporativtik basqarý jónindegi bas direktor;
- Álibek Aldońǵarov, HR jáne óndiristik qaýipsizdik jónindegi bas direktor;
- Muhit Maǵajanov, satyp alý jáne jalpy máseleler jónindegi bas direktor.
