Foto: Qarjylyq monitoring agenttigi
Qarjylyq monitoring agenttigi Bas áskeri prokýratýranyń úilestirýimen «Qazarnaýlyeksport» RMK laýazymdy tulǵalary men baqylaýyndaǵy zańdy tulǵalardyń basshylaryn ustady, - dep habarlaidy "Ult aqparat" QMA baspasóz qyzmetine silteme jasap.
"Olar memlekettik qorǵanys tapsyrystaryn oryndaý aiasynda baǵany kóterý arqyly áskeri jáne áskeri-tehnikalyq maqsattaǵy taýarlardy (ónimderdi) satyp alý kezinde 1 milliard teńgege jýyq biýdjet qarajatyn urlady degen kúdikke ilingen. Sotaldy tergeý bastaldy", - delingen habarlamada..
QR QPK 201-babynyń talaptaryna sáikes ózge de málimetter jariia etilýge jatpaidy.
Aita keteiik, «Qazarnaýlyeksport» RMK-nyń maqsaty Qazaqstan Respýblikasy Qarýly Kúshterine, basqa da áskerler men áskeri quralymdarǵa, arnaýly memlekettik, quqyq qorǵaý organdaryna, memlekettik materialdyq rezervterge, jumyldyrý, ǵarysh qyzmetine azamattardyń qorǵanys qabiletin jáne quqyqtyq tártipti saqtaýda kómek kórsetý bolyp tabylady.
