Foto: Videodan skrinshot
2025 jyly 26 tamyzda Musa Jálel atyndaǵy Tatar akademiialyq memlekettik opera jáne balet teatrynda Abai atyndaǵy Qazaq ulttyq opera jáne balet teatrynyń gastroldik sapary jemisti boldy. Teatr kórermen nazaryna Hamit Shanǵalievtiń «Han Sultan. Altyn Orda» operasynyń premerasyn usyndy, dep habarlaidy Ult.kz.
Gastroldik sapar Qazaqstan Respýblikasynyń Konstitýtsiiasynyń 30 jyldyǵyna orai uiymdastyrylyp, Qazaqstan Respýblikasynyń Mádeniet jáne aqparat ministrliginiń, (RF) Tatarstan Respýblikasynyń Mádeniet ministrliginiń, sondai-aq Qazaqstan Respýblikasynyń Qazan qalasyndaǵy Bas konsýldyǵynyń qoldaýymen ótti.
Is-sharada teatr direktory Ainur Kópbasarova QR Mádeniet jáne aqparat ministri Aida Balaevanyń quttyqtaý hatyn oqydy. Ministr Qazaqstan men Tatarstan arasyndaǵy qarym-qatynastyń qarqyndy damýy bizdiń san qyrly yntymaqtastyǵymyzda mańyzdy oryn alatynyn atap ótti. Eki eldiń shyǵarmashylyq ujymdarynyń bailanysy – osynyń aiqyn dáleli.
Sondai-aq ol bul premera kópshilik úshin shalqar shabyttyń qainar kózi bolaryna, ortaq uly tarih úshin keýdeni maqtanysh kernep, saf ónermen qaýyshtyryp, qýanysh syilaryna senim bildirdi.
Is-shara barysynda (RF) Tatarstan Respýblikasy Premer-ministriniń orynbasary Leila Fazleeva men Qazaqstan Respýblikasynyń Qazandaǵy Bas konsýly Erlan Ysqaqov sóz sóiledi.
Aita keteiik, tarihi dramany sahnalaý barysynda halyqaralyq bedeldi ǵalymdar keńes berip, tarihi shynaiylyq pen oqiǵalardyń tereń zerttelýin qamtamasyz etti. Al operany tanymal italialyq rejisser Davide Livermore sahnalady.
Operada 200-den astam ártis birigip, jandy oryndaý men áserli sahnalyq kórinister arqyly erekshe atmosfera qalyptastyrdy. Kórermen tek qoiylymdy tamashalap qana qoimai, tarihi oqiǵanyń kýágeri sezindi.
Teatr foiesinde Qazaqstan týraly arnaiy fotokórme uiymdastyryldy. Kórme qonaqtarǵa elimizdiń álemdik arenadaǵy orny men rólin, bai mádenietin, ásem tabiǵatyn jáne zamanaýi sáýletin tanystyrdy.
Opera premerasyna Qazanda tirkelgen sheteldik bas jáne qurmetti konsýldyqtardyń jetekshileri, memleket jáne qoǵam qairatkerleri, iskerlik orta ókilderi, BAQ pen qazaq diasporasynyń músheleri qatysty.
Spektakl ónersúier qaýymnyń kóńilinen shyǵyp, qoshemetke bólendi.
