فوتو: ۆيدەودان سكرينشوت
2025 جىلى 26 تامىزدا مۇسا جەلەل اتىنداعى تاتار اكادەمييالىق مەملەكەتتٸك وپەرا جەنە بالەت تەاترىندا اباي اتىنداعى قازاق ۇلتتىق وپەرا جەنە بالەت تەاترىنىڭ گاسترولدٸك ساپارى جەمٸستٸ بولدى. تەاتر كٶرەرمەن نازارىنا حاميت شانعاليەۆتٸڭ «حان سۇلتان. التىن وردا» وپەراسىنىڭ پرەمەراسىن ۇسىندى, دەپ حابارلايدى Ult.kz.
گاسترولدٸك ساپار قازاقستان رەسپۋبليكاسىنىڭ كونستيتۋتسيياسىنىڭ 30 جىلدىعىنا وراي ۇيىمداستىرىلىپ, قازاقستان رەسپۋبليكاسىنىڭ مەدەنيەت جەنە اقپارات مينيسترلٸگٸنٸڭ, (رف) تاتارستان رەسپۋبليكاسىنىڭ مەدەنيەت مينيسترلٸگٸنٸڭ, سونداي-اق قازاقستان رەسپۋبليكاسىنىڭ قازان قالاسىنداعى باس كونسۋلدىعىنىڭ قولداۋىمەن ٶتتٸ.
ٸس-شارادا تەاتر ديرەكتورى اينۇر كٶپباساروۆا قر مەدەنيەت جەنە اقپارات مينيسترٸ ايدا بالاەۆانىڭ قۇتتىقتاۋ حاتىن وقىدى. مينيستر قازاقستان مەن تاتارستان اراسىنداعى قارىم-قاتىناستىڭ قارقىندى دامۋى بٸزدٸڭ سان قىرلى ىنتىماقتاستىعىمىزدا ماڭىزدى ورىن الاتىنىن اتاپ ٶتتٸ. ەكٸ ەلدٸڭ شىعارماشىلىق ۇجىمدارىنىڭ بايلانىسى – وسىنىڭ ايقىن دەلەلٸ.
سونداي-اق ول بۇل پرەمەرا كٶپشٸلٸك ٷشٸن شالقار شابىتتىڭ قاينار كٶزٸ بولارىنا, ورتاق ۇلى تاريح ٷشٸن كەۋدەنٸ ماقتانىش كەرنەپ, ساف ٶنەرمەن قاۋىشتىرىپ, قۋانىش سىيلارىنا سەنٸم بٸلدٸردٸ.
ٸس-شارا بارىسىندا (رف) تاتارستان رەسپۋبليكاسى پرەمەر-مينيسترٸنٸڭ ورىنباسارى لەيلا فازلەەۆا مەن قازاقستان رەسپۋبليكاسىنىڭ قازانداعى باس كونسۋلى ەرلان ىسقاقوۆ سٶز سٶيلەدٸ.
ايتا كەتەيٸك, تاريحي درامانى ساحنالاۋ بارىسىندا حالىقارالىق بەدەلدٸ عالىمدار كەڭەس بەرٸپ, تاريحي شىنايىلىق پەن وقيعالاردىڭ تەرەڭ زەرتتەلۋٸن قامتاماسىز ەتتٸ. ال وپەرانى تانىمال يتاليالىق رەجيسسەر داۆيدە ليۆەرمورە ساحنالادى.
وپەرادا 200-دەن استام ەرتٸس بٸرٸگٸپ, جاندى ورىنداۋ مەن ەسەرلٸ ساحنالىق كٶرٸنٸستەر ارقىلى ەرەكشە اتموسفەرا قالىپتاستىردى. كٶرەرمەن تەك قويىلىمدى تاماشالاپ قانا قويماي, تاريحي وقيعانىڭ كۋەگەرٸ سەزٸندٸ.
تەاتر فويەسٸندە قازاقستان تۋرالى ارنايى فوتوكٶرمە ۇيىمداستىرىلدى. كٶرمە قوناقتارعا ەلٸمٸزدٸڭ ەلەمدٸك ارەناداعى ورنى مەن رٶلٸن, باي مەدەنيەتٸن, ەسەم تابيعاتىن جەنە زاماناۋي سەۋلەتٸن تانىستىردى.
وپەرا پرەمەراسىنا قازاندا تٸركەلگەن شەتەلدٸك باس جەنە قۇرمەتتٸ كونسۋلدىقتاردىڭ جەتەكشٸلەرٸ, مەملەكەت جەنە قوعام قايراتكەرلەرٸ, ٸسكەرلٸك ورتا ٶكٸلدەرٸ, باق پەن قازاق دياسپوراسىنىڭ مٷشەلەرٸ قاتىستى.
سپەكتاكل ٶنەرسٷيەر قاۋىمنىڭ كٶڭٸلٸنەن شىعىپ, قوشەمەتكە بٶلەندٸ.
