Sinoptikter qazan aiyndaǵy aýa raiy týraly aitty, dep habarlaidy "Ult aqparat" Qazgidrometke silteme jasap.
Iran aýmaǵynan jyljyǵan jyly aýa massasynyń kelýimen bailanysty qazan aiynyń alǵashqy aptasy jyly bolady.
Termometr baǵandary kúndiz eldiń soltústik bóliginde 15…23 gradýsqa deiin, ońtústik bóliginde 20…28 gradýsqa deiin birtindep kóteriledi.
Sonymen qatar, aidyń basynda soltústikte, ortalyqta jáne shyǵysta aýa temperatýrasy túnde nólden 2…10 gradýsqa deiin tómendep, kei jerlerde 3 gradýs nólden joǵary bolady.
Sodan keiin, birinshi onkúndiktiń sońynda Reseidiń Eýropalyq aýmaǵynan sýyq aýa massalarynyń kelýimen aýa temperatýrasy azdap tómendep, aldymen batysta sodan keiin respýblikanyń qalǵan aýmaǵynda jaýyn-shashyn bolýy múmkin. Aýa temperatýrasy kúndiz batys jáne soltústik óńirlerde nólden joǵary 7…15 gradýsqa deiin, shyǵysta 8…18 gradýsqa deiin, ońtústik óńirlerde 12…20 gradýsqa deiin tómendeidi.
Uzaq merzimdi boljamǵa sáikes, qazan aiynda jaýyn-shashyn, tuman, kóktaiǵaq, ekpini 15-20 m/s-qa jetip, jaily kún raiy jii almasyp otyrady.
«Qazan aiynyń ortasha aýa temperatýrasy Qazaqstannyń kóptegen bóliginde normaǵa jýyq, Túrkistan, Jambyl, Almaty, Qyzylorda oblysynyń batysynda normadan 1°S joǵary bolady. Jaýyn-shashyn mólsheri elimizdiń kóptegen bóliginde – jyldyq ortasha mánge jýyq shamada, Batys Qazaqstan, Atyraý, Aqtóbe, Qyzylorda, Qostanai jáne Qaraǵandy oblystarynda normadan tómen bolýy yqtimal», - delingen sinoptikter boljamynda.
