Elbasy maqalasynda aitylǵan rýhani jańǵyrý aiasynda QR Din isteri jáne azamattyq qoǵam ministrligi "Qazaqstan" ulttyq arnasymen birlesip, qazaqtyń birtýar tulǵalaryn, kieli jerlerin, rýhani qundylyqtaryn dáripteitin «Uly dala» baǵdarlamasyn jaryqqa shyǵardy, dep habarlaidy Ult.kz tilshisi QazAqparat agenttigine silteme jasap.
Joba tól tarihymyz ben nar tulǵalarymyzdyń taǵylymdy ómiri týraly jastardy keńirek habardar etý maqsatynda jasalǵan. Onda «Tanym», «Uranym-Alash!» «Tulǵa», «Tanym», «El men jer», «Iman» syndy taqyryptary boiynsha Alash qairatkerleri, qazaqtyń uly ǵalymy Shoqan Ýálihanov, qýǵyn-súrgin jyldary jazyqsyz atylyp ketken Shahzoda Shonanova, qazaqtyń talai qairatkerine járdem bergen Alash metsenaty Qarajan Úkibaev, aýyz ádebieti úlgilerin jinaýshy, shejireshi, aqyn jáne filosof Máshhúr-Júsip Kópeev, Joshy han kesenesi, qazaqtyń ejelgi qalalary Saraishyq, Taraz týraly qysqasha derekter qamtylǵan.
