Sýret: Maxima.kz
"Qazaqtelekomnyń" eki uialy bailanys operatory katarlyq investorlarǵa ótedi, dep habarlaidy "Ult aqparat" Stan.kz aqparat agenttigine silteme jasap.
"Power International holdingi "Qazaqtelekom" AQ-na tiesili "Mobail Telekom-Servis" JShS-ny satyp alýdy josparlap otyr. Biz Tele2 jáne Altel týraly aityp otyrmyz. Taraptar úshjaqty kelisimge ("Samuryq-Qazyna" AQ) 2024 jylǵy 14 aqpanda Qazaqstan prezidenti Qasym-Jomart Toqaevtyń arab eline resmi sapary aiasynda qol qoidy”, – delingen habarlamada.
Byltyr úkimet básekelestik ornatyp, joǵary sapaly tarifke qol jetkizý úshin "Qazaqtelekomǵa" bir operatordy kásiporyn qurylymynan shyǵarý mindetin qoiǵan edi.
Qazaqstanda "Qazaqtelekom" kompaniialar tobyna kiretin operatorlardyń birin satýǵa qatysty másele kóp ýaqyttan beri talqylanyp keledi. Alaida osy kúnge deiin naqty sheshim qabyldanbaǵan.
2024 jyldyń 20 qańtarynda ekonomikany jańǵyrtý jónindegi memlekettik komissiianyń otyrysynda "Mobail Telekom-Servis" JShS satý týraly sheshim qabyldandy.
2024 jyldyń 14 aqpanynda Katarda "Qazaqtelekom", "Samuryq-Qazyna" jáne "Power International Holding" qol qoiylǵan kelisim aiasynda MT-S kompaniiasynyń 100% úlesin satyp alýdyń negizgi sharttaryn kelisken.
"Biz jaqynda kelissózderge kiristik jáne, árine, búgingi kelisim tek Power International Holding-pen mámile týraly nietimizdi belgileidi jáne bolashaqta satý men satyp alýdyń barlyq sharty men tártibin talqylap, biriktirý qajet bolady. Ázirge naqty satylatyn baǵa men sharttar týraly aita almaimyz", – dep atap ótti "Qazaqtelekom" AQ basqarma tóraǵasy Qýanyshbek Esekeev.
Power International Holding – ekonomikanyń túrli sektoryn qamtityn Katar konglomeraty.
