.jpeg)
Astanada altynshy TEDx konferentsiiasy ótti. Ótken jyldardaǵydai onyń tehnikalyq seriktesi «Qazaqtelekom» kompaniiasy boldy. Biylǵy forýmnyń taqyryby erekshe – «Beiýaqyt». Osy taqyryp aiasynda spikerler qoǵamda jinaqtalǵan qaishylyqtar men olardy eńserý joldaryn talqylady.
Usynylǵan ideialardyń ishinde sanany otarsyzdandyrý, eki tildilik máselesi, este saqtaý qabiletimen jumys, óner, bilim berý jáne densaýlyq saqtaý salasyndaǵy negizgi bastamalar boldy.
«TEDx uiymdastyrýshylary biylǵy jyly qoǵamdaǵy teńsizdik pen alshaqtyq týraly, olardy qalai jeńýge bolatyndyǵy, bilim berý jáne densaýlyq saqtaý siiaqty negizgi quqyqtarǵa ádil qol jetimdilik týraly aitady. Osy alańda tanystyrylǵan «Aýyldyq eldi mekendegi talshyqty optikalyq bailanys jelisi» jobasy is – sharanyń tujyrymdamasyna jaqsy sáikes keledi, óitkeni búkil el boiynsha qoljetimdi internet – bul qazirgi zamanǵy adamnyń bazalyq quqyǵy jáne internet elimizdiń barlyq eldi mekenderine tartylý arqyly bilim berý men meditsinada memlekettik qyzmettermen qamtamasyz etý múmkindigi, óz biznesin jetildirý perspektivasy jáne taǵy basqa igilikti sharalar. Biz de TEDx uiymdastyrýshylary siiaqty qazir júieli, keshendi sheshimder qabyldaý qajet dep sanaimyz jáne óz jobamyzdy solardyń biri dep esepteimiz», - dedi «Qazaqtelekom» AQ Basqarma tóraǵasy Qýanyshbek Esekeev.
Alańda arnaiy prezentatsiia aiasynda «Qazaqtelekom» kompaniiasynyń tehnikalyq múmkindikteri, sondai-aq «Aýyldyq eldi mekendegi talshyqty optikalyq bailanys jelisi» jobasynyń aýyldardy damytýǵa jáne turǵyndarynyń turmys-tirshiligine sinergetikalyq oń áseri jan-jaqty aityldy.
Esterińizge sala keteiik, 2018-2020 jyldary «Qazaqtelekom» AQ óz investitsiialary esebinen respýblikanyń 828 aýylynda 14,5 myń shaqyrymnan astam talshyqty-optikalyq bailanys jelisin salyp, osy eldi mekenderde 2,5 myńnan astam memlekettik organdar men biýdjettik sala mekemelerin – aýrýhanalar men mektepter, jergilikti atqarýshy organdary men avariialyq qyzmetter, qorǵanys obektileri men quqyq qorǵaý mekemeleri sekildi kóptegen nysandardy joǵary jyldamdyqty internetpen qamtamasyz etti.
«Biz «Aýyldyq eldi mekendegi talshyqty optikalyq bailanys jelisi» baǵdarlamasynyń aiasynda sheshken basty másele - qala men aýyl arasyndaǵy tsifrlyq teńsizdikti joiý ekenin atap ótý mańyzdy. Aýyldarda talshyqty-optikalyq jelilerdiń paida bolýy memlekettik uiym qyzmetkerleriniń jumysyn qolaily etip qana qoimai, sonymen qatar aýyl turǵyndary men shalǵaidaǵy eldi mekenderdiń turǵyndaryna telekommýnikatsiialyq qyzmetterdiń barlyq múmkindikterin: internet, teledidar, telefoniia, beinebaqylaý servisterin jáne t. b. paidalanýǵa múmkindik berdi. Biraq, eń bastysy, ol aýyl turǵyndarynyń jalpy ómir súrý deńgeiin arttyrýǵa jáne mańyzdy áleýmettik máseleni sheshýge – shalǵai aimaqtarda tsifrlyq servisterdi paidalanýǵa yqpal etti. Sonymen qatar, salynǵan infraqurylym naryqtyń basqa qatysýshylaryna, mysaly, ishki jelilerdi salý úshin uialy operatorlarǵa servister usyný úshin negiz boldy", - dep atap ótti «Qazaqtelekom» AQ Basqarma tóraǵasy Qýanyshbek Esekeev.
Aita keteiik, «Aýyldyq eldi mekendegi talshyqty optikalyq bailanys jelisi» jobasy bazalyq bolyp tabylady, óitkeni onyń sheńberinde salynǵan infraqurylymnyń kómegimen «Qazaqtelekom» AQ jáne basqa da bailanys operatorlary internet tartýdyń ózge de tehnologiialaryn iske asyrýǵa jáne el aýmaǵynda telekommýnikatsiialyq qyzmetterdiń barlyq spektrin usynýǵa múmkindik aldy. Dál osy joba basqa bailanys operatorlarynyń – «250+» jobasyn júzege asyrýǵa yqpal etti. Bul joba turǵyndarynyń sany 250-den astam aýyldarǵa sapaly mobildi internet júrgizýdi kózdeidi.
