Sybailas jemqorlyqqa qarsy qyzmet basshysy Oljas Bektenov "Qazaqtelekom" AQ-tyń birinshi basshysy Qýanyshbek Esekeevten kýáger retinde jaýap alynǵanyn aitty, - dep habarlaidy Tengrinews.kz tilshisi.
"Ol (Qýanyshbek Esekeev - esk.) qazirgi basshy, ol ázirshe is boiynsha qaralyp jatqan joq. Odan kýáger retinde jaýap alyndy", - dedi Bektenov Májilis alańynda jýrnalisterdiń suraqtaryna jaýap berip.
Buǵan deiin sybailas jemqorlyqqa qarsy qyzmet "Qazaqtelekom" AQ-qa qatysty laýazymdyq ókilettikti asyra paidalaný jáne asa iri mólsherde qarjy jymqyrý deregi boiynsha qylmystyq isti tergep jatqany belgili boldy. Qylmys jasady degen kúdikpen Qairat Satybaldyuly ustalyp, ýaqytsha ustaý izoliatoryna qamaldy.
