«Qazaqtelekom» AQ basqarmasynyń tóraǵasy Qýanyshbek Esekeev elimizde kibersportty damytý úshin qolaily jaǵdai jasaýǵa ýáde berdi, dep habarlaidy "Ult aqparat".
«Bul belgili problema. CS ornalastyrylǵan Valvo-nyń naqty serveri Stokgolmde. Sondyqtan oiynshylarymyzǵa elimizde otyryp serverde onlain oiyn oinaý qiyndaý. Qazirgi ýaqytta oiynshylarymyz úshin kidiristiń eń tómen deńgeiin berý úshin ashyq arnany testilep jatyrmyz. Ázirshe bul problema naqty sheshilmegen. Sondyqtan kibersporty komandalarynyń negizgi bóligi Kievte jattyǵady. Kelesi jyly tehnikalyq sipattamamyz jaqsaratyn bolsa, onda barlyq komandalardy osy jaqqa kóshirý josparlanyp otyr», - dedi ol búgin Úkimet úiindegi baspasóz máslihatynda.
Onyń atap ótýinshe, bul tek Qazaqtelekom kompaniiasyna ǵana emes serverlerge de bailanysty jait.
«Máselen, Warface bizdiń serverlerimizdi ornalastyrǵan jáne onda esh problema joq. Degenmen, keibir oiyn óndirýshiler serverlerin osy jerge ákelýge daiyn emes. Sondyqtan qajetti serverlerge baratyn arnalardy qarastyryp jatyrmyz. Biraq, bul CS pen Dota 2-ge qatysty», - dedi Qýanyshbek Esekeev.
