«Samuryq-Qazyna» UÁQ» AQ aktivterdi basqarý jáne jekeshelendirý jónindegi direktsiia basshysy Almasadam Satqaliev «Qazaqtelekom» kompaniiasynyń 10 paiyz aktsiiasy nelikten «Biryńǵai jinaqtaýshy zeinetaqy qory» AQ-ǵa satylǵanyn aitty, dep habarlaidy QazAqparat.
«Memlekettik komissiianyń otyrysynda «Qazaqtelekom» kompaniiasy aktsiiasynyń 10 paiyzyn «Biryńǵai jinaqtaýshy zeinetaqy qory» AQ-qa satý týraly sheshim qabyldandy. Bul sheshim ne úshin qabyldanyp otyr? Qazirgi ekonomikalyq jaǵdaida biz telekommýnikatsiia men IT-qyzmetter naryǵy yntalandyrýǵa ie bolyp, qyzmet aiasy keńeigen salalardyń birine ainalǵanyn kórip otyrmyz. Iaǵni, onlain-qyzmetter kóleminiń artýymen, internet-servisterdiń iske qosylýymen bul naryq investorlar úshin tartymdy salaǵa ainalyp keledi. Osy jaǵdai erekshe eskerildi», - dedi Almasadam Satqaliev tikelei efirde ótip jatqan baspasóz máslihatynda.
Sonymen qatar kompaniia ókili «Qazaqtelekom» birinshiden memleket úshin strategiialyq, ekinshiden, jiti baǵalanbai otyrǵan aktiv ekenin atap ótti.
«Osylaisha, bul strategiialyq aktivti memlekettik baqylaýyna qaldyryp, ekinshiden, halyq úshin paida kóbirek túsetindei jumysty júrgizbekpiz. Úkimetke joldaǵan usynysymyzda satyp alýshy - «Biryńǵai jinaqtaýshy zeinetaqy qory» AQ bolsa dep ótindik. Izinshe, bul bastamamyz Úkimettiń de, Ulttyq banktiń de qoldaýyna ie boldy. Qazirgi ýaqytta Ulttyq bankpen kelissózder júrgizilýde. Álbette, baǵa indikatory retinde aktsiianyń naryqtyq kotirovkasy eskeriletini belgili. Basqa da aktsionerlerdiń múddesine nuqsan kelmeitinin málimdegimiz keledi. Bul kelisim aktsionerler qurylymyn da jaqsartady ári korporativtik basqarý júiesin de jetildire beremiz», - dedi ol.
Buǵan deiin «Samuryq-Qazyna» ulttyq ál-aýqat qorynyń basqarma tóraǵasy Ahmetjan Esimov «Biryńǵai jinaqtaýshy zeinetaqy qory» «Qazaqtelekom» AQ-nyń 10 paiyz aktsiiasyn satyp alatynyn aitqan edi.
Búgingi onlain efir barysynda Almasadam Satqaliev «Samuryq-Qazyna» aktivterin biyl IRO-ǵa shyǵarýda aitarlyqtai qaýip baryn málim etti. Iaǵni qazir IRO-ǵa qoiylǵan jaǵdaida kompaniialar baǵa jáne kólemi jaǵynan Úkimet qoiǵan parametrlik bazalarǵa jetpei qalýy múmkin. Onyń aitýynsha, 2021 jyly jekeshelendiriletin iri aktivterdiń ishinde tek «Qazposhta» pen «Samuryq Energo» bar. Al 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompaniiasy, 2023 jyly «Qazaqstan temir joly» jekeshelendirilmek.
