«سامۇرىق-قازىنا» ۇەق» اق اكتيۆتەردٸ باسقارۋ جەنە جەكەشەلەندٸرۋ جٶنٸندەگٸ ديرەكتسييا باسشىسى الماسادام ساتقاليەۆ «قازاقتەلەكوم» كومپانيياسىنىڭ 10 پايىز اكتسيياسى نەلٸكتەن «بٸرىڭعاي جيناقتاۋشى زەينەتاقى قورى» اق-عا ساتىلعانىن ايتتى, دەپ حابارلايدى قازاقپارات.
«مەملەكەتتٸك كوميسسييانىڭ وتىرىسىندا «قازاقتەلەكوم» كومپانيياسى اكتسيياسىنىڭ 10 پايىزىن «بٸرىڭعاي جيناقتاۋشى زەينەتاقى قورى» اق-قا ساتۋ تۋرالى شەشٸم قابىلداندى. بۇل شەشٸم نە ٷشٸن قابىلدانىپ وتىر? قازٸرگٸ ەكونوميكالىق جاعدايدا بٸز تەلەكوممۋنيكاتسييا مەن ٸت-قىزمەتتەر نارىعى ىنتالاندىرۋعا يە بولىپ, قىزمەت اياسى كەڭەيگەن سالالاردىڭ بٸرٸنە اينالعانىن كٶرٸپ وتىرمىز. ياعني, ونلاين-قىزمەتتەر كٶلەمٸنٸڭ ارتۋىمەن, ينتەرنەت-سەرۆيستەردٸڭ ٸسكە قوسىلۋىمەن بۇل نارىق ينۆەستورلار ٷشٸن تارتىمدى سالاعا اينالىپ كەلەدٸ. وسى جاعداي ەرەكشە ەسكەرٸلدٸ», - دەدٸ الماسادام ساتقاليەۆ تٸكەلەي ەفيردە ٶتٸپ جاتقان باسپاسٶز مەسليحاتىندا.
سونىمەن قاتار كومپانييا ٶكٸلٸ «قازاقتەلەكوم» بٸرٸنشٸدەن مەملەكەت ٷشٸن ستراتەگييالىق, ەكٸنشٸدەن, جٸتٸ باعالانباي وتىرعان اكتيۆ ەكەنٸن اتاپ ٶتتٸ.
«وسىلايشا, بۇل ستراتەگييالىق اكتيۆتٸ مەملەكەتتٸك باقىلاۋىنا قالدىرىپ, ەكٸنشٸدەن, حالىق ٷشٸن پايدا كٶبٸرەك تٷسەتٸندەي جۇمىستى جٷرگٸزبەكپٸز. ٷكٸمەتكە جولداعان ۇسىنىسىمىزدا ساتىپ الۋشى - «بٸرىڭعاي جيناقتاۋشى زەينەتاقى قورى» اق بولسا دەپ ٶتٸندٸك. ٸزٸنشە, بۇل باستامامىز ٷكٸمەتتٸڭ دە, ۇلتتىق بانكتٸڭ دە قولداۋىنا يە بولدى. قازٸرگٸ ۋاقىتتا ۇلتتىق بانكپەن كەلٸسسٶزدەر جٷرگٸزٸلۋدە. ەلبەتتە, باعا ينديكاتورى رەتٸندە اكتسييانىڭ نارىقتىق كوتيروۆكاسى ەسكەرٸلەتٸنٸ بەلگٸلٸ. باسقا دا اكتسيونەرلەردٸڭ مٷددەسٸنە نۇقسان كەلمەيتٸنٸن مەلٸمدەگٸمٸز كەلەدٸ. بۇل كەلٸسٸم اكتسيونەرلەر قۇرىلىمىن دا جاقسارتادى ەرٸ كورپوراتيۆتٸك باسقارۋ جٷيەسٸن دە جەتٸلدٸرە بەرەمٸز», - دەدٸ ول.
بۇعان دەيٸن «سامۇرىق-قازىنا» ۇلتتىق ەل-اۋقات قورىنىڭ باسقارما تٶراعاسى احمەتجان ەسٸموۆ «بٸرىڭعاي جيناقتاۋشى زەينەتاقى قورى» «قازاقتەلەكوم» اق-نىڭ 10 پايىز اكتسيياسىن ساتىپ الاتىنىن ايتقان ەدٸ.
بٷگٸنگٸ ونلاين ەفير بارىسىندا الماسادام ساتقاليەۆ «سامۇرىق-قازىنا» اكتيۆتەرٸن بيىل ٸرو-عا شىعارۋدا ايتارلىقتاي قاۋٸپ بارىن مەلٸم ەتتٸ. ياعني قازٸر ٸرو-عا قويىلعان جاعدايدا كومپانييالار باعا جەنە كٶلەمٸ جاعىنان ٷكٸمەت قويعان پارامەترلٸك بازالارعا جەتپەي قالۋى مٷمكٸن. ونىڭ ايتۋىنشا, 2021 جىلى جەكەشەلەندٸرٸلەتٸن ٸرٸ اكتيۆتەردٸڭ ٸشٸندە تەك «قازپوشتا» پەن «سامۇرىق ەنەرگو» بار. ال 2022 جىلى «Air Astana» مەن «Qazaq Air», سونىمەن بٸرگە «سامۇرىق-قازىنانىڭ» تاۋ-كەن كومپانيياسى, 2023 جىلى «قازاقستان تەمٸر جولى» جەكەشەلەندٸرٸلمەك.
