Elbasy Nursultan Nazarbaev Táýelsizdiktiń arqasynda qazaqtar, qazaq tili men mádenieti úshin tarihi ádildik saltanat qurǵanyn eske saldy, - dep habarlaidy Tengrinews.kz.
"Biz ár bala mektepten keiin memlekettik tilde oqyp, jazyp jáne sóilei alatyndai jaǵdai jasaýymyz kerek. Bul olarǵa memlekettik qyzmettiń, ekonomikanyń barlyq salasynda jumys isteýine múmkindik beredi.
Eldegi etnosaralyq qatynastardyń jaǵdaiy úshin qazaq halqynyń tarihi roli men jaýapkershiligi artyp kele jatyr. Qazaq tili men mádenietiniń taralý aimaǵyn taryltyp kelgen zamannan keiin qazaqtarǵa qatysty ádildik táýelsizdik arqasynda ornady. Biz bul týraly jii aitamyz jáne bul qandai da bir mantra bolǵany úshin ǵana qaitalai bermeimiz.
Menińshe, bul qoǵamdy biriktirýdiń negizi. Qazaqstan - óziniń qundylyǵy men bolashaqtaǵy damýda óziniń baǵyty bar memleket", - dedi Nazarbaev.
Nursultan Nazarbaev kópulttylyq, kópkonfessiialyq jáne kópetnostylyq Qazaqstannyń basymdyǵy ekenin atap ótti.
"Biz qazaq halqy - memleket qalyptastyrýshy sýbekt dep tolyǵymen aita alamyz. Ózimizdi jáne ulttyq qundylyǵymyzdy qurmettei otyryp, árqaisymyz elimizdiń damýyna úles qosyp jatqan basqa da otandastarymyzdy syilaýymyz keregi sózsiz. Bárimiz birigip Qazaqstannyń bolashaqtaǵy jáne onyń barlyq azamatynyń myqty ári túsinikti obrazyn qalyptastyra alamyz", - dedi Qazaqstannyń Tuńǵysh Prezidenti.
Buǵan deiin Elbasy qazaqstandyqtardyń úshten ekisi qazaq tilin biletinin málimdegen bolatyn. 1991 jyly memlekettik tildi halyqtyń 37 paiyzy ǵana bilse, búginde jaǵdai múlde basqasha: memlekettik tildi halyqtyń úshten eki bóligi biledi.
