Foto: Instagram.com
Reseidiń ishki ister ministrligi boksshy Dmitrii Bivoldyń burynǵy áieli Ekaterina Bivolǵa qatysty tekseris bastady, dep habarlaidy Ult.kz.
Buǵan áleýmettik jelilerde qyrǵyzdar men qazaqtardy ult retinde kemsitip, qorlaǵan videoroliktiń jariialanýy sebep bolǵan. Bul týraly Resei Ishki ister ministrligi Azamattyq qoǵam institýttarymen jáne BAQ-pen ózara is-qimyl basqarmasy málimdedi.
"Aryzda baiandalǵan jaǵdai boiynsha tiisti tekseristi Sankt-Peterbýrg jáne Leningrad oblysy boiynsha Resei IIM Bas basqarmasy júrgizip jatyr", - dedi Azamattyq qoǵam institýttarymen jáne BAQ-pen ózara is-qimyl basqarmasy bastyǵynyń orynbasary Evgenii Artemov.
Aita keteiik, buǵan deiin Qazaqstanda tanymal boksshy Dmitrii Bivoldyń burynǵy áieline izdeý jariialanǵany habarlandy.
Ekaterina Bivol Instagram jelisinde túrli ult ókilderine, onyń ishinde qyrǵyzdar men qazaqtarǵa qatysty qorlaityn sózder aityp, video jariialaǵan edi. Osyndan keiin Qyrǵyzstannyń ishki ister ministriligi Ekaterina Bivoldyń ústinen “ulttyq jáne násildik arazdyqty qozdyrdy” degen aiyppen qylmystyq is qozǵady. Keshe Ishki ister ministriniń orynbasary Sanjar Ádilov Senat kýlýarynda boks boiynsha álem chempiony Dmitrii Bivoldyń burynǵy áieline Qazaqstanda qylmystyq is qozǵalǵanyn málimdedi.
