Foto: Chekpoint.kz
Ulttyq statistika biýrosynyń aldyn ala derekteri boiynsha, 2025 jyldyń qańtar-qazan ailarynda Qazaqstannyń Jalpy ishki ónimi ótken jyldyń sáikes kezeńimen salystyrǵanda 6,4%-ǵa ósti, dep habarlaidy Ult.kz.
Taýarlar óndirisi 8,2%-ǵa, qyzmet kórsetý 5,3%-ǵa artty.
JIÓ-niń ósýine anaǵurlym eń kóp úlesti ónerkásip (ósim 7,3%) salasy qosty, onyń jalpy ósimdegi mólsheri – 30%. Al saýda jáne kólik salalarymen qosqanda 70%-dan asady.
Óńdeý ónerkásibinde ósim 5,8% boldy. Bul jekelegen baǵyttar boiynsha ónim shyǵarýdyń ulǵaiýy esebinen qalyptasyp otyr.
Olardyń ishinde:
- ● mashina jasaý – 11,5%-ǵa,
sonyń ishinde avtomobil qurastyrý - 13,3%-ǵa, - ● himiia ónerkásibi – 10,9%-ǵa,
- ● azyq-túlik – 9,1%-ǵa,
- ● munai ónimderi – 6,3%-ǵa,
- ● metall buiymdary – 14,1%-ǵa,
- ● qurylys materialdary – 5,3%-ǵa ósti.
Qurylys salasynda ósim iri infraqurylymdyq jobalardy júzege asyrýmen bailanysty bolyp otyr. Qurylys jumystarynyń kóleminiń artýy 2025 jylǵy qańtar-qyrkúiektegi 14,9%-ben salystyrǵanda 15,1%-dy qurady.
Aýyl sharýashylyǵy salasy maýsymdyq ósý fazasyna endi. Jalpy ónim kólemi qańtar-qyrkúiek ailarymen salystyrǵanda 1,0 p. t.-ǵa jedeldep, 5,4%-ǵa artty. Ósimdik sharýashylyǵynda ósim 6,7%-ǵa, mal sharýashylyǵynda 3,4%-ǵa jetti. Jalpy ónimniń ósýi memlekettik qoldaý sharalarymen, agrotehnologiialardy saqtaýmen jáne egin jinaý kezindegi qolaily aýa-raiymen bailanysty bolyp otyr. Birqatar óńirde dándi daqyldardyń ónimdiligi artty, olardyń ishinde Aqmola (+13,6%), Qostanai (+14,9%) jáne Pavlodar (+7,4%) oblystary bar. Sút óndirisi 5,2%-ǵa, et óndirisi 2,8%-ǵa, jumyrtqa óndirisi 1,4%-ǵa ósti.
Saýdada ósim deńgeii 9%-dy qurady. Ósý qarqyny saladaǵy úlesi 66,5% bolatyn kóterme saýda kásiporyndarynda baiqalyp otyr. Ainalym qarajatynyń ulǵaiýy Pavlodar, Atyraý oblystary men Astana qalasynda tirkelgen.
Kólik salasynda da ósimniń joǵarǵy qarqyny saqtalyp otyr. Barlyq kólik túri boiynsha tasymaldyń ósýine bailanysty kólik qyzmetiniń kólemi 20,7%-ǵa artty.
Úkimet basym salalardy qoldaýǵa, ekonomikany ártaraptandyrýǵa jáne investitsiialar tartýǵa basa nazar aýdara otyryp, sapaly ekonomikalyq ósimdi qamtamasyz etýge baǵyttalǵan Prezident tapsyrmalaryn oryndaý úshin jumys isteýde.
