فوتو: Chekpoint.kz
ۇلتتىق ستاتيستيكا بيۋروسىنىڭ الدىن الا دەرەكتەرٸ بويىنشا, 2025 جىلدىڭ قاڭتار-قازان ايلارىندا قازاقستاننىڭ جالپى ٸشكٸ ٶنٸمٸ ٶتكەن جىلدىڭ سەيكەس كەزەڭٸمەن سالىستىرعاندا 6,4%-عا ٶستٸ, دەپ حابارلايدى Ult.kz.
تاۋارلار ٶندٸرٸسٸ 8,2%-عا, قىزمەت كٶرسەتۋ 5,3%-عا ارتتى.
جٸٶ-نٸڭ ٶسۋٸنە اناعۇرلىم ەڭ كٶپ ٷلەستٸ ٶنەركەسٸپ (ٶسٸم 7,3%) سالاسى قوستى, ونىڭ جالپى ٶسٸمدەگٸ مٶلشەرٸ – 30%. ال ساۋدا جەنە كٶلٸك سالالارىمەن قوسقاندا 70%-دان اسادى.
ٶڭدەۋ ٶنەركەسٸبٸندە ٶسٸم 5,8% بولدى. بۇل جەكەلەگەن باعىتتار بويىنشا ٶنٸم شىعارۋدىڭ ۇلعايۋى ەسەبٸنەن قالىپتاسىپ وتىر.
ولاردىڭ ٸشٸندە:
- ● ماشينا جاساۋ – 11,5%-عا,
سونىڭ ٸشٸندە اۆتوموبيل قۇراستىرۋ - 13,3%-عا, - ● حيمييا ٶنەركەسٸبٸ – 10,9%-عا,
- ● ازىق-تٷلٸك – 9,1%-عا,
- ● مۇناي ٶنٸمدەرٸ – 6,3%-عا,
- ● مەتالل بۇيىمدارى – 14,1%-عا,
- ● قۇرىلىس ماتەريالدارى – 5,3%-عا ٶستٸ.
قۇرىلىس سالاسىندا ٶسٸم ٸرٸ ينفراقۇرىلىمدىق جوبالاردى جٷزەگە اسىرۋمەن بايلانىستى بولىپ وتىر. قۇرىلىس جۇمىستارىنىڭ كٶلەمٸنٸڭ ارتۋى 2025 جىلعى قاڭتار-قىركٷيەكتەگٸ 14,9%-بەن سالىستىرعاندا 15,1%-دى قۇرادى.
اۋىل شارۋاشىلىعى سالاسى ماۋسىمدىق ٶسۋ فازاسىنا ەندٸ. جالپى ٶنٸم كٶلەمٸ قاڭتار-قىركٷيەك ايلارىمەن سالىستىرعاندا 1,0 پ. ت.-عا جەدەلدەپ, 5,4%-عا ارتتى. ٶسٸمدٸك شارۋاشىلىعىندا ٶسٸم 6,7%-عا, مال شارۋاشىلىعىندا 3,4%-عا جەتتٸ. جالپى ٶنٸمنٸڭ ٶسۋٸ مەملەكەتتٸك قولداۋ شارالارىمەن, اگروتەحنولوگييالاردى ساقتاۋمەن جەنە ەگٸن جيناۋ كەزٸندەگٸ قولايلى اۋا-رايىمەن بايلانىستى بولىپ وتىر. بٸرقاتار ٶڭٸردە دەندٸ داقىلداردىڭ ٶنٸمدٸلٸگٸ ارتتى, ولاردىڭ ٸشٸندە اقمولا (+13,6%), قوستاناي (+14,9%) جەنە پاۆلودار (+7,4%) وبلىستارى بار. سٷت ٶندٸرٸسٸ 5,2%-عا, ەت ٶندٸرٸسٸ 2,8%-عا, جۇمىرتقا ٶندٸرٸسٸ 1,4%-عا ٶستٸ.
ساۋدادا ٶسٸم دەڭگەيٸ 9%-دى قۇرادى. ٶسۋ قارقىنى سالاداعى ٷلەسٸ 66,5% بولاتىن كٶتەرمە ساۋدا كەسٸپورىندارىندا بايقالىپ وتىر. اينالىم قاراجاتىنىڭ ۇلعايۋى پاۆلودار, اتىراۋ وبلىستارى مەن استانا قالاسىندا تٸركەلگەن.
كٶلٸك سالاسىندا دا ٶسٸمنٸڭ جوعارعى قارقىنى ساقتالىپ وتىر. بارلىق كٶلٸك تٷرٸ بويىنشا تاسىمالدىڭ ٶسۋٸنە بايلانىستى كٶلٸك قىزمەتٸنٸڭ كٶلەمٸ 20,7%-عا ارتتى.
ٷكٸمەت باسىم سالالاردى قولداۋعا, ەكونوميكانى ەرتاراپتاندىرۋعا جەنە ينۆەستيتسييالار تارتۋعا باسا نازار اۋدارا وتىرىپ, ساپالى ەكونوميكالىق ٶسٸمدٸ قامتاماسىز ەتۋگە باعىتتالعان پرەزيدەنت تاپسىرمالارىن ورىنداۋ ٷشٸن جۇمىس ٸستەۋدە.
