Qazaqstannyń Japoniiadaǵy elshiligi sol eldegi otandastarymyzdyń sanaǵyn júrgizýde, dep habarlaidy "Ult aqparat" Elshilikke silteme jasap.
«Qurmetti Qazaqstan Respýblikasynyń azamattary! Japoniia aýmaǵyndaǵy qolaisyz ózgerip kele jatqan epidemiologiialyq ahýalǵa bailanysty Elshilik Qazaqstan Respýblikasynyń barlyq azamattarynyń sanaǵyn júrgizýde.
Tótenshe jaǵdai bolǵan jaǵdaida odan arǵy is-qimyldardy habarlaý úshin myna silteme boiynsha - ózińizdiń jeke málimetińizdi (aty-jóni, týǵan kúni, meken-jaiy jáne bailanys) usynýdy suraimyz», delingen Elshiliktiń Japoniiadaǵy qazaqstandyqtarǵa úndeýinde.
Eske sala ketsek, buǵan deiin Japoniiada koronavirýs juqtyrǵan adamdardyń kóbeiýine bailanysty Qazaqstannyń Japoniiadaǵy Elshiliginde Qazaqstannyń azamattary úshin +81 80 2111 0909 nómiri boiynsha qaýyrt jeli ashylǵanyn bolatyn.
Japoniiada koronavirýs infektsiiasyn 945 adam juqtyrǵan. Onyń 705-i Diamond Princess krýiz laineriniń ekipajy men jolaýshylary. Sońǵy málimetter boiynsha olardyń 11-i kóz jumǵan, taǵy 50 adam aýyr halde jatyr.
