Sybailas jemqorlyqqa qarsy qyzmet Qaraǵandy, Jambyl jáne Ońtústik Qazaqstan oblysynyń laýazymdy tulǵalary ustaldy, dep habarlaidy "Ult aqparat" Sybailas jemqorlyqqa qarsy is-qimyl ulttyq biýrosyna silteme jasap.
"Qaraǵandy oblysy boiynsha departamentimen Eńbek, áleýmettik qorǵaý jáne kóshi-qon departamentiniń №3 dárigerlik-áleýmettik saraptamalyq bóliminiń basshysy M. Ospanovtyń júieli túrde jalpy somasy 300 000 teńge mólsherinde para alǵany áshkerelendi" delingen habarlamady.
2 naýryzynda M.Ospanov 3-top múgedegin kedergisiz uzartý úshin 80 myń teńge mólsherinde kezekti para alyp jatqan jerinde ustalyp, Jezqazǵan qalasynyń IIB ÝUA qamaldy.
Al Jambyl oblysynda 300 000 myń teńge para alǵany úshin Qordai aýdany ákimdiginiń jer qatynastary bóliminiń basshysy B. Sazanbai ustaldy. Aqsha qarajattaryn kúdikti jerge ornalastyrý jobasyna qol qoiý úshin alǵan.
Sonymen qatar, jer telimin berý úshin Ońtústik Qazaqstan oblysynyń Tóle bi aýdany Leńger qalasynyń ákimi S. Baiymbetov pen osy aýdannyń jer qatynastary bólimniń bas mamany A. Turǵyn 100 000 teńge somasynda para alyp jatqan jerinde qolǵa tústi.
"B. Sazanbai, S. Baiymbetov jáne A.Turǵyn jasaǵan qylmystaryn tolyq moiyndap otyr. Sondyqtan sot aldy óndirisi qysqartylǵan tártipte aiaqtalady" deidi Ulttyq biýrodaǵylar.
