Qazaqstannyń ulttyq elektr jelisiniń jumysy qalypty rejimde qamtamasyz etiledi, dep habarlaidy QazAqparat KEGOC AQ baspasóz qyzmetine silteme jasap.
Qazaqstan Respýblikasy Prezidentiniń Jarlyǵymen 2022 jylǵy 5-19 qańtar aralyǵynda tótenshe jaǵdai engizilýine bailanysty «KEGOC» AQ-da jedel shtab quryldy.
Shtab Qazaqstannyń Ulttyq elektr torabynyń (UET) senimdi jumys isteýin qamtamasyz etý jónindegi barlyq sharalardy úilestirýdi júzege asyrady.
Kompaniianyń búkil jedel qyzmetteri men qurylymdary kúsheitilgen jumys rejimine kóshirildi.
Sondai-aq, kompaniianyń jaýapty basshylarynan qurylǵan táýlik boiǵy kezekshilik uiymdastyryldy.
«KEGOC» AQ-nyń barlyq nysandaryn qorǵaý rejimin kúsheitý boiynsha sharalar qabyldandy.
UET shtattyq rejimde jumys isteýde. KEGOC Júielik operator retinde Qazaqstan Respýblikasynyń Birtutas elektr energetikalyq júiesiniń senimdi jumys isteýin qamtamasyz etedi, sondai-aq qatarlas jumys rejimderin basqarý jáne olardyń turaqtylyǵyn qamtamasyz etý boiynsha shektes memleketterdiń energiia júielerimen ózara tiimdi jumys isteidi.
