قازاقستاننىڭ ۇلتتىق ەلەكتر جەلٸسٸنٸڭ جۇمىسى قالىپتى رەجيمدە قامتاماسىز ەتٸلەدٸ, دەپ حابارلايدى قازاقپارات KEGOC اق باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسى پرەزيدەنتٸنٸڭ جارلىعىمەن 2022 جىلعى 5-19 قاڭتار ارالىعىندا تٶتەنشە جاعداي ەنگٸزٸلۋٸنە بايلانىستى «KEGOC» اق-دا جەدەل شتاب قۇرىلدى.
شتاب قازاقستاننىڭ ۇلتتىق ەلەكتر تورابىنىڭ (ۇەت) سەنٸمدٸ جۇمىس ٸستەۋٸن قامتاماسىز ەتۋ جٶنٸندەگٸ بارلىق شارالاردى ٷيلەستٸرۋدٸ جٷزەگە اسىرادى.
كومپانييانىڭ بٷكٸل جەدەل قىزمەتتەرٸ مەن قۇرىلىمدارى كٷشەيتٸلگەن جۇمىس رەجيمٸنە كٶشٸرٸلدٸ.
سونداي-اق, كومپانييانىڭ جاۋاپتى باسشىلارىنان قۇرىلعان تەۋلٸك بويعى كەزەكشٸلٸك ۇيىمداستىرىلدى.
«KEGOC» اق-نىڭ بارلىق نىساندارىن قورعاۋ رەجيمٸن كٷشەيتۋ بويىنشا شارالار قابىلداندى.
ۇەت شتاتتىق رەجيمدە جۇمىس ٸستەۋدە. KEGOC جٷيەلٸك وپەراتور رەتٸندە قازاقستان رەسپۋبليكاسىنىڭ بٸرتۇتاس ەلەكتر ەنەرگەتيكالىق جٷيەسٸنٸڭ سەنٸمدٸ جۇمىس ٸستەۋٸن قامتاماسىز ەتەدٸ, سونداي-اق قاتارلاس جۇمىس رەجيمدەرٸن باسقارۋ جەنە ولاردىڭ تۇراقتىلىعىن قامتاماسىز ەتۋ بويىنشا شەكتەس مەملەكەتتەردٸڭ ەنەرگييا جٷيەلەرٸمەن ٶزارا تيٸمدٸ جۇمىس ٸستەيدٸ.
