Búgin "Báiterek" Ulttyq basqarýshy Holdingi" AQ basqarma tóraǵasy Erbolat Dosaev "Qazaqstannyń Turǵyn úi qurylys jinaq banki" AQ ujymyna ("Báiterek" Holdinginiń enshiles uiymy) jańa basshyny tanystyrdy, - dep habarlaidy "Ult aqparat" "Báiterek" ulttyq basqarýshy holdingi" AQ baspasóz qyzmetine silteme jasap.
Banktyń basshylyǵyna Direktorlar keńesiniń múshesi, 2016 jyldyń 3 aqpanynan bastap "Báiterek" Holdingi basqarma tóraǵasynyń orynbasary qyzmetin atqarǵan Lázzat Ibragimova taǵaiyndaldy.
Jańa basshyny tanystyra otyryp, Erbolat Dosaev Lázzat Ibragimovanyń "Báiterek" Holdingi qurylymy aiasynda jetken jetistikteri men Turǵyn úi qurylys jinaq bankin jańa deńgeige kóterýge septesetin kásibi biliktiligi men jeke qasietterin atap ótti.
22 jyldyq jumys ótiliniń basym bóligin shaǵyn jáne orta bizneske kórsetiletin memlekettik qoldaýdyń tiimdiligi máselelerine arnaǵan. Gýmilev atyndaǵy Eýraziia gýmanitarlyq ýniversitetiniń oqytýshylyǵynan bastap "Báiterek" Holdingine kiretin jáne basqa da iri damý institýttarynyń basshylyǵyna deiin qyzmet atqardy.
Túrli jyldary BUU Damý baǵdarlamasy jobasynyń ekonomikalyq damý boiynsha ulttyq sarapshysy, "Damý" kásipkerlikti damytý qorynyń saraptaý men damý strategiiasy, oqytý men konsalting, korporativti damý departamentteriniń basshysy, "Samuryq-Qazyna" UÁQ" AQ arnaiy baǵdarlamalar departamentiniń bas menedjeri qyzmetterin atqardy. 2011 jyldan beri "Damý" kásipkerlikti damytý qory" AQ basqarma tóraiymy laýazymynda jumys istedi.
.jpeg)