Kezdesýde elorda ákimi Elbasyna qala qurylysyndaǵy aldaǵy josparlar men sanitarlyq-epidemiologiialyq jaǵdaidy turaqtandyrý boiynsha qabyldanǵan sharalar týraly baiandady, dep habarlaidy Elbasynyń baspasóz qyzmeti.
A.Kólginovtiń málimetinshe, 2020 jyly elordany damytý jáne turǵyndarǵa qolaily jaǵdai jasaý boiynsha mańyzdy jobalardy iske asyrý úshin 1 trillion teńgeden astam investitsiia tartyldy.
Áńgime barysynda bilim berý, densaýlyq saqtaý, ónerkásip, turǵyn úi qurylysy jáne infraqurylymdy damytý salalaryndaǵy jobalardy iske asyrý máselelerine erekshe mán berildi.
Sonymen qatar Nur-Sultan qalasynyń ákimi pandemiia jaǵdaiynda elordanyń shaǵyn jáne orta biznes ókilderin qoldaý sharalary týraly aityp berdi.
