Qazaqstannyń Tuńǵysh Prezidenti Armeniia Respýblikasynyń Prezidenti Armen Sarkisianmen kezdesti, dep habarlaidy Elbasy.kz.
Taraptar eki el arasynda táýelsizdik jyldarynda qol jetkizilgen yntymaqtastyqtyń joǵary deńgeiin atap ótip, óńirlik kún tártibindegi ózekti máseleler boiynsha pikir alysty.
– Qazaqstan men Armeniia arasynda tarihi turǵydan jaqsy qarym-qatynas qalyptasty. Táýelsizdik jyldarynda men Armeniianyń barlyq prezidentterimen áriptestik bailanysta boldym. Bizdiń elder arasynda sheshimin tappaǵan másele joq. Qazir Armeniiadaǵy jaǵdai kúrdeli ekenin bilemin, – dedi Elbasy.
Nursultan Nazarbaev Armeniia, Ázerbaijan jáne Resei kóshbasshylary arasynda 2020 jyly 9 qarashada qol jetkizilgen ýaǵdalastyq Erevan men Baký arasyndaǵy barlyq túitkildi máselelerdi sheshýge jol ashatynyna senim bildirdi.
Armeniia Prezidenti Armen Sarkisian Qazaqstannyń Tuńǵysh Prezidentine qonaqjailyq tanytyp, mańyzdy máselelerdi talqylaýǵa múmkindik bergeni úshin alǵys aitty.
– Biz jaqsy ári jaqyn qarym-qatynastamyz. Bul shyn máninde solai. Uzaq jyldan beri Qazaqstanda armian qaýymy baqýatty ómir súrip jatyr. Bizdiń dostyǵymyzdyń Armeniia Respýblikasymen qatar, barsha armian ulty úshin de mańyzy zor, – dedi A.Sarkisian.
