قازاقستاننىڭ تۇڭعىش پرەزيدەنتٸ ارمەنييا رەسپۋبليكاسىنىڭ پرەزيدەنتٸ ارمەن ساركيسيانمەن كەزدەستٸ, دەپ حابارلايدى Elbasy.kz.
تاراپتار ەكٸ ەل اراسىندا تەۋەلسٸزدٸك جىلدارىندا قول جەتكٸزٸلگەن ىنتىماقتاستىقتىڭ جوعارى دەڭگەيٸن اتاپ ٶتٸپ, ٶڭٸرلٸك كٷن تەرتٸبٸندەگٸ ٶزەكتٸ مەسەلەلەر بويىنشا پٸكٸر الىستى.
– قازاقستان مەن ارمەنييا اراسىندا تاريحي تۇرعىدان جاقسى قارىم-قاتىناس قالىپتاستى. تەۋەلسٸزدٸك جىلدارىندا مەن ارمەنييانىڭ بارلىق پرەزيدەنتتەرٸمەن ەرٸپتەستٸك بايلانىستا بولدىم. بٸزدٸڭ ەلدەر اراسىندا شەشٸمٸن تاپپاعان مەسەلە جوق. قازٸر ارمەنيياداعى جاعداي كٷردەلٸ ەكەنٸن بٸلەمٸن, – دەدٸ ەلباسى.
نۇرسۇلتان نازارباەۆ ارمەنييا, ەزەربايجان جەنە رەسەي كٶشباسشىلارى اراسىندا 2020 جىلى 9 قاراشادا قول جەتكٸزٸلگەن ۋاعدالاستىق ەرەۆان مەن باكۋ اراسىنداعى بارلىق تٷيتكٸلدٸ مەسەلەلەردٸ شەشۋگە جول اشاتىنىنا سەنٸم بٸلدٸردٸ.
ارمەنييا پرەزيدەنتٸ ارمەن ساركيسيان قازاقستاننىڭ تۇڭعىش پرەزيدەنتٸنە قوناقجايلىق تانىتىپ, ماڭىزدى مەسەلەلەردٸ تالقىلاۋعا مٷمكٸندٸك بەرگەنٸ ٷشٸن العىس ايتتى.
– بٸز جاقسى ەرٸ جاقىن قارىم-قاتىناستامىز. بۇل شىن مەنٸندە سولاي. ۇزاق جىلدان بەرٸ قازاقستاندا ارميان قاۋىمى باقۋاتتى ٶمٸر سٷرٸپ جاتىر. بٸزدٸڭ دوستىعىمىزدىڭ ارمەنييا رەسپۋبليكاسىمەن قاتار, بارشا ارميان ۇلتى ٷشٸن دە ماڭىزى زور, – دەدٸ ا.ساركيسيان.
