2021 jylǵy 29 qańtarda QR Premer-Ministriniń Birinshi orynbasary Á. Smaiylovtyń tóraǵalyǵymen beinekonferentsiia bailanysy rejiminde Eýraziialyq ekonomikalyq komissiia keńesiniń kezekti otyrysy ótti.
Bul týraly "Ult aqparat" QR Úkimetiniń resmi saityna silteme jasap habarlaidy.
Sondai-aq Keńestiń otyrysyna alǵash ret Ózbekstan Respýblikasy Premer-Ministriniń orynbasary – investitsiialar jáne syrtqy saýda ministri S. Ómirzaqov baqylaýshy memlekettiń ókili retinde qatysty.
Otyrys sheńberinde keńes músheleri syrtqy saýda qyzmeti, kedendik jáne tehnikalyq retteý jáne halyqaralyq yntymaqtastyq salasyndaǵy máselelerdi qarastyrdy.
Atap aitqanda, óz aýmaqtarynda tańbalaýdy engizgen jáne engizbegen EAEO elderi arasyndaǵy ózara is-qimyl tártibi men qarym-qatynas jasaý tásilin belgileitin EAEO-da taýarlardy sáikestendirý quraldarymen tańbalaý júiesiniń bazalyq modeli bekitildi.
Qabyldanǵan sharalar bir elde mindetti tańbalaý engizilgen, al basqa elde bolmaǵan jaǵdaida ózara saýda-sattyq kezinde kedergilerdiń týyndamaýyna múmkindik beredi. COVID-19 taralýyna bailanysty karantindik is-sharalar engizilgen jaǵdaida elektronika men turmystyq tehnikany óndirýshiler men importtaýshylardy qoldaý maqsatynda «Energetikalyq qaýipsizdikke qoiylatyn talaptar týraly» EAEO tehnikalyq reglamentiniń (EAEO TR 048/2019) kúshine ený merzimi 2022 jyldyń 1 qyrkúiegine deiin uzartyldy. Budan basqa, keńes sheshimimen elektroliz ádisimen aliýminii óndirisinde qoldanylatyn ftorly aliýminiige qatysty kedendik bajdyń «nóldik» mólsherlemesi 2023 jyldyń sońyna deiin uzartyldy. Bul shara aliýminii ónerkásibiniń básekege qabilettiligin qoldaýǵa jáne otandyq ónerkásiptik óndiristi damytýǵa baǵyttalǵan.
Qazaqstandyq taraptyń bastamasy boiynsha 2014 jyldyń 23 jeltoqsanyndaǵy EAEO sheńberinde dárilik zattar ainalymynyń biryńǵai qaǵidattary men qaǵidalary týraly kelisimge ózgerister engizýdiń oryndylyǵy talqylandy. Atap aitqanda, ulttyq zańnamaǵa sáikes ishki naryqta tutyný úshin qajetti dárilik zattardy tirkeý múmkindigin saqtaý bóliginde ózgerister engizý máselesi qaraldy. Esterińizge salaiyq, 2021 jyldyń 1 qańtarynan bastap Qazaqstan EAEO organdarynda tóraǵalyq etedi.
