Qazaqstannyń taýar ainalymy 2021 jyly 101,5 mlrd AQSh dollaryn qurady. Bul týraly QR Saýda jáne integratsiia ministrliginen málim etti, dep habarlaidy QazAqparat.
Vedomstvo málimetinshe, 2021 jyly Qazaqstannyń taýar ainalymy 2020 jylǵy kórsetkishterden 17,4 paiyzǵa asyp, 101,5 mlrd dollardy qurady. Taýar ainalymynyń negizgi úlesin óńdelgen taýarlar boiynsha saýda ielendi: 2021 jyly bul kórsetkish 58,1 mlrd AQSh dollary boldy. Bul 2020 jylǵa qaraǵanda 12 paiyzǵa (51,8 mlrd AQSh dollary) joǵary. Qazaqstannan eksport kólemi ótken jyly 26,9 paiyzǵa ulǵaiyp, 60,3 mlrd dollarǵa jetti. Import 5,8 paiyzǵa ósip, 41,2 mlrd dollar boldy.
2021 jyly Qazaqstannyń negizgi saýda seriktesteri qatarynda Resei (ekijaqty saýdanyń jalpy kólemi 24,2 mlrd dollar), Qytai (shamamen 18,2 mlrd dollar) jáne Italiia (9,6 mlrd dollar) boldy. Jalpy elimizdiń negizgi seriktes elderdiń ondyǵyna Niderlandy, Túrkiia, Ózbekstan, Frantsiia, Ońtústik Koreia, AQSh, Germaniia, Úndistan, Ispaniia, Rýmyniia, Gretsiia, Shveitsariia kiredi.
