«Qazgidromet» RMK-sy Qazaqstannyń taǵy birneshe aýmaǵynda aýa raiyna bailanysty eskertý jariialady.
Kásiporyn taratqan málimetterge qaraǵanda, 12 qarashada Jambyl oblysynyń taýly aýdandarda jaýyn-shashyn (jańbyr, qar) bolady. Kei jerlerde 11-13 qarasha kúnderi tuman, 12-13 qarashada kóktaiǵaq bolady. 11-12 qarasha aralyǵynda ońtústik-shyǵystan soǵatyn jel ońtústik-batysqa aýysady, kúshi kei jerlerde 15-20 m/s bolady, 12 qarashada ekpini 23-28 m/s-qa jetedi.
Taraz qalasynda 11-13 qarashada kei ýaqytta tuman túsýi yqtimal. 12 qarashada ońtústik-shyǵystan soǵatyn jel ońtústik-batysqa aýysady, ekpini 15-20 m/s-qa jetedi. Aýa raiy boljamynyń dáldigi - 90-95%.
Soltústik Qazaqstan oblysynyń basym bóliginde 11 qarasha kúni jaýyn jaýady. 11-12 qarasha kúnderi kei jerlerde tuman túsip, kóktaiǵaq, jaiaý burqasyn bolady. Ońtústik-batystan, batystan jel soǵyp, kúshi kei jerlerde sekýndyna 15-20 metrge jetedi.
Petropavlda 11-12 qarasha aralyǵynda kóktaiǵaq, jaiaý burqasyn kútiledi. Ońtústik-batystan, batystan jel soǵyp, ekpini 15-20 m/s-qa jetedi. Aýa raiy boljamynyń yqtimaldylyǵy - 90-95%.
Shyǵys Qazaqstan oblysynyń kei jerlerinde 11 qarashadatuman túsip, kóktaiǵaq, jaiaý burqasyn bolady. Ońtústik-shyǵystan, ońtústikten, jel soǵady, kúshi kei jerlerde sekýndyna 15-20 metrge, kúndiz ekpini 23 metrge jetedi.
Óskemende 11 qarashada kúndiz ońtústik-shyǵystan, ońtústikten soǵatyn jeldiń ekpini 15-20 m/s bolady.
Semeide 11 qarasha kúni kúndiz ońtústik-shyǵystan, ońtústikten soǵatyn jeldiń ekpini 15-20 m/s bolady.
