Almaty, Aqmola jáne Qostanai oblystarynyń kásiporyndary óz sút ónimderin Qytaiǵa eksporttai alatyn boldy, dep habarlaidy Aýyl sharýashylyǵy ministrligi.
QR Aýyl sharýashylyǵy ministrligi men QHR-nyń Bas keden basqarmasy arasyndaǵy belsendi yntymaqtastyqtyń nátijesinde taǵy úsh qazaqstandyq sút óńdeýshi kásiporyn Qytaiǵa eksporttaýǵa quqyǵy bar kásiporyndardyń tizimine endi. Olar: «Gormolzavod» JShS (Kókshetaý, Aqmola oblysy), «Dáýlet-Beket» (Taldyqorǵan, Almaty oblysy) jáne «Lider-2010» (Rýdnyi, Qostanai oblysy).
Prezident Qasym-Jomart Toqaev qyrkúiek aiyndaǵy sapary aiasynda Beijińde sút jáne sút ónimderin eksporttaýǵa veterinariialyq-sanitarlyq talaptar týraly hattamaǵa qol qoidy. Sol kezde Almatydaǵy Fýdmaster, Qaraǵandydaǵy Evraziia Invest LTD jáne Túrkistandaǵy Golden Camel Group LTD siiaqty úsh kompaniia óz ónimderin kórshi memleketke satý quqyǵyn alǵan bolatyn.
Qazirgi ýaqytta sút jáne sút ónimderin óndiretin 6 kásiporyn óz ónimderin Qytaiǵa eksporttai alady.
