Halyqaralyq grossmeister, otandasymyz Dinara Sadýaqasova Ispaniiada ótken Álem chempionatynyń jeke synynda qola júldeni jeńip aldy, dep habarlaidy QazAqparat.
Bul týraly Olimpiadalyq emes sport túrleri boiynsha sportty damytý direktsiiasynyń Facebook-tegi paraqshasynda málim etildi.
«Elordalyq sportshy, elimizdiń maqtanyshy Dinara Sadýaqasovany Álem chempionatyndaǵy qola júldesimen shyn júrekten quttyqtaimyz!
Ispaniianyń Sitjes qalasynda shahmattan áielder arasynda komandalyq Álem chempionaty ótti. Bairaqty básekede álemniń 12 eli: AQSh, Ázerbaijan, Armeniia, Germaniia, Grýziia, Úndistan, Ispaniia, Polsha, Resei, Frantsiia, Ýkraina, Qazaqstannyń úzdik shahmatshylary baq synady.
Halyqaralyq grossmeister Dinara Sadýaqasova ekinshi taqtada oinap, jeke esepte qola júldeni jeńip aldy», - dep jazylǵan direktsiianyń málimetinde.
Al komandalyq esepte Qazaqstan quramasy úzdik tórttikti qorytyndylady.
«Reseilik qyzdar jarys jeńimpazy atansa, Úndistan quramasy ekinshi oryndy jeńip aldy. Al úshinshi oryndy Ýkraina jáne Grýziia shahmatshylary ózara bólisti.
Sondai-aq, 16 jastaǵy shahmatshy, halyqaralyq dárejedegi áielder sheberi Merýert Kamalidenovaǵa jekelei syńda qola medal buiyrdy. Ol úshinshi taqtada oinap, Úndistan men Ýkraina komandalaryna qarsy matchta tamasha nátije kórsetti.
Dinara men Merýertti Álem chempinatyndaǵy qola júldesimen quttyqtaimyz! Sportshylarymyzǵa aldaǵy bairaqty básekelerde jarqyn jeńister men tolaǵai tabystar tileimiz», - delingen jazbada.
