Qazaqstannyń saiasi júiesi zamanaýi talaptarǵa sai damyp keledi. Mundai pikirdi QR Prezidenti janyndaǵy Qazaqstannyń strategiialyq zertteýler institýtynyń Zarema Sháýkenova bildirdi, dep habarlaidy QazAqparat.
«2021 jylǵy parlamenttik sailaý kezekti naýqan sanalady. Ol Zańmen belgilengen merzimge sai ótkeli otyr jáne elimizdegi barlyq saiasi partiianyń sailaý kezeńine sapaly daiyndyq júrgizý úshin teńdei ári jetkilikti ýaqyty boldy. Sailaý protsesi ekonomikalyq qiyndyqtarǵa, pandemiia men halyqaralyq ahýaldyń belgili bir deńgeidegi áserine qaramastan turaqty ishki aiada ótip jatqany óte mańyzdy. Alǵash ret barlyq deńgeidegi máslihattardyń depýtattaryn sailaý tepe-teńdik júiesi negizinde ótkiziletin bolady. Árine, bul saiasi partiialar úshin olardyń sailaýaldy qyzmetterine júktemeni aitarlyqtai arttyrǵany da sózsiz. Osy jolǵy sailaý naýqanynyń bir ereksheligi partiialar óz tizimine, ásirese, jastar men áielderdiń jańa tolqynyn qosyp otyr. Bul Prezident bastamalarynyń naqty júzege asyryla bastaýynyń dáleli», - dedi ol Qazaqstandaǵy sailaýǵa qatysty uiymdastyrylǵan dóńgelek ústel barysynda.
Onyń atap ótýinshe, saiasi partiialar koronavirýs pandemiiasy jaǵdaiynda jumystyń jańa formatyna tez beiimdelýge qabileti joǵary ekenin kórsetti. Is-sharalardyń bir bóligi onlain-rejimde ótip, kommýnikatsiianyń barlyq zamanaýi arnalary qoldanyldy. Osylaisha, Qazaqstannyń qoǵamdyq-saiasi kúntártibin qarqyndy ári progressivti dep sipattaýǵa bolady.
«Qazaqstannyń saiasi júiesi zamanaýi talaptarǵa sai damyp keledi. Ortalyq sailaý komissiiasynyń qaýlysyna sáikes, QR Parlamenti Májilisi men máslihattar depýtattaryn sailaýǵa 10 halyqaralyq uiym men 31 shet memleketten 398 baiqaýshy akkreditteldi. Aldaǵy parlamenttik jáne jergilikti sailaýlar jańa saiasi maýsymdy ashady jáne eldiń saiasi protsesterine serpin beredi. 7-shi shaqyrylǵan QR Parlamenti Májilisiniń jumysy bastalar aldynda Úkimet aýysady. Jańarǵan Parlamentke Memleket basshysy Qasym-Jomart Toqaev jariia etken saiasi jáne áleýmettik-ekonomikalyq reformalardy odan ary júrgizý úshin zańnamalyq baza qalyptastyrý qajet bolady», - dedi Zarema Sháýkenova.
.jpeg)