Quramyna Ortalyq Aziia, onyń ishinde Qazaqstan, Ózbekstan, Qyrǵyzstan energetika júiesiniń júielik operatorlary ókilderi kiretin "Energiia" Úilestirý dispetcherlik ortalyǵynyń (ÚDO "Energiia") arnaiy komissiiasy 2022 jylǵy 25 qańtarda bolǵan apatty tergeýdi aiaqtady. Bul týraly Qazaqstan elektr jelilerin basqarý kompaniiasy (KEGOC) habarlady, - dep habarlaidy Tengrinews.kz tilshisi.
"Komissiia apat sebebi Ózbekstannyń energiia júiesindegi úzilisten ekenin anyqtady - bul kúni Nur-Sultan ýaqytymen saǵat 11: 59-da Syrdariia JES pen 500 kilovolttyq "Tashkent" (Ózbekstan) qosalqy stantsiiasyn qosatyn joǵary voltty áýe jelisiniń jelilik ajyratqyshynda qysqa tuiyqtalý boldy. 500 kilovolt shinalardyń 1 jáne 2-júieleriniń differentsial qorǵanystarynyń keiingi shamadan tys jumysy Syrdariia JES-te generatsiianyń aitarlyqtai tómendeýine, elektr stantsiiasyna irgeles elektr jelisindegi birneshe úziliske jáne Qazaqstannyń birtutas elektr energetika júiesiniń (BEJ) 500 kilovolt tranzitine 2100 megavatt shamasyndaǵy qýat júktemesine (ruqsat etilgennen 7 ese joǵary) ákeldi", - dedi kompaniia ókilderi.
KEGOC AQ elektr jelileri men Qazaqstannyń ońtústigindegi elektr stantsiialarynyń apatqa qarsy avtomatikasy júieli apat kezinde energiia júiesin bólý jónindegi talaptardy eskere otyryp, shtattyq rejimde iske qosyldy. Osylaisha, elimizdiń ońtústiginde shamamen 60 paiyz elektrmen jabdyqtaý saqtaldy. Bul rette Ózbekstan men Qyrǵyzstannyń energiia júieleri tolyǵymen toktan ajyratyldy.
