QR Aýyl sharýashylyǵy vitse-ministri Gúlmira Isaeva Qazaqstandaǵy shet memleketterdiń elshilerine agroónerkásip keshenin damytýdyń jańa baǵdarlamasy jaiynda aityp berdi, dep xabarlaidy QazAqparat tilshisi.
Óz sózinde vitse-ministr kooperativterdi kóptep qurý, maily daqyldar alqaptaryn keńeitý, agroximiia men tyńaitqyshtar salasyn damytý jaiynda aita kele, aldaǵy ýaqytta memlekettik sýbsidiialardy alatyndardyń kóbeietinin jetkizdi. Sondai-aq ol qazirdiń ózinde aýyl sharýashylyǵy ónim óndirýshileri úshin nesie stavkasynyń tómendetilgenin taǵy bir márte eske saldy. "Al Qazaqstannyń eksporttyq áleýetin ósirý úshin Azyq-túlik kelisimshart korporatsiiasy negizinde eksport ortalyǵy qurylyp jatyr. Atalǵan qurylym aýyl sharýashylyǵy ónimderin shetelge shyǵarýmen ainalysady. Osy oraida ortalyq mamandary eksporttyq arnalardy anyqtap, ónimdi ótkizýdiń naqty naryqtaryn belgileitin bolady. Budan bólek, kásipkerlerge konsýltatsiia beriledi jáne kelisimderge quqyqtyq qoldaý jasalady. Aldaǵy sharalar bunymen shektelmeidi. Ónim óndirýshilerdiń taýarlary kóptep satyp alynyp, iri eksporttyq partiialar jasaqtalady", - deidi Isaeva.
Sondai-aq vitse-ministr investorlardyń quqyqtaryn qorǵalatynyn, salyq jaǵynan san alýan jeńildikter men preferentsiialardyń beriletinin jetkizdi. Al QR Premer-Ministriniń orynbasary - aýyl sharýashylyǵy ministri Asqar Myrzaxmetov diplomattardyń barlyq suraqtaryna jaýap berip, Qazaqstannyń aýyl sharýashylyǵy salasynda kásipkerlik úshin jasalatyn tiimdi jaǵdailar jaiynda sheteldiń biznesmenderine keńinen jetkizýdi surady.
Aita keteiik, kezdesýdi ashqan QR Syrtqy ister ministri Qairat Ábdiraxmanov Túrkimenstan prezidentiniń Qazaqstanǵa memlekettik saparmen keletinin málimdedi
.jpeg)