2021 jyldyń qorytyndysynda Qazaqstannyń óńdelgen taýarlar boiynsha taýar ainalymy 58,1 mlrd dollardy qurady. Bul 2020 jylǵa qaraǵanda 12 paiyzǵa joǵary, dep habarlaidy QazAqparat.
QR Saýda jáne integratsiia ministrliginiń málimetinshe, elimizden óńdelgen taýarlar eksporty 2021 jyly 28,3 paiyzǵa ósip, 19,8 mlrd AQSh dollaryna jetti. Qazaqstannan eksporttyń negizgi óńdelgen taýarlary mynalar: mystan jasalǵan mys jáne katodtar, ferroqorytpalar, ýran, ystyqtai ilektelgen legirlenbegen bolattan jasalǵan jazyq ilek, munai ónimderi, kúmis, óńdelmegen aliýminii, óńdelmegen myrysh, legirlenbegen bolattan jasalǵan jazyq ilek.
2021 jyly Qazaqstanǵa óńdelgen taýarlar importy 5,1 paiyzǵa artyp, 38,3 mlrd AQSh dolly boldy. Elimizge importtyń negizgi taýarlary mynalar: esepteý mashinalary, avtomobilderge arnalǵan shanaqtar, jeńil avtomobilder jáne avtomobilder men traktorlarǵa arnalǵan qosalqy bólshekter, telefon apparattary, bólshek saýda úshin ólshep oralǵan dárilik zattar. Sondai-aq vaktsinalar, qan sarysýy, qan da importtalǵan.
2021 jyly Qazaqstannyń óńdelgen taýarlar boiynsha negizgi saýda áriptesteri qatarynda Resei (óńdelgen taýarlardyń ekijaqty saýdasynyń jalpy kólemi 19,97 mlrd dollar), Qytai (óńdelgen taýarlardyń taýar ainalymy shamamen 12,7 mlrd dollar) jáne Ózbekstan (óńdelgen taýarlarmen ózara saýda kólemi 2,6 mlrd dollar) bar.
Al óńdelgen taýarlar saýdasy boiynsha negizgi seriktes elderdiń ondyǵyna myna elder kirdi: Túrkiia, Germaniia, AQSh, Ulybritaniia, Japoniia, Frantsiia, Italiia, Ońtústik Koreia, Ýkraina, Niderlandy, Belarýs, Qyrǵyzstan.
