Qarjy ministri Erulan Jamaýbaev Qazaqstannyń memlekettik qaryzy qandai deńgeide turǵanyn aityp berdi, dep habarlaidy QazAqparat.
«2019 jyldyń qorytyndysy boiynsha, jalpy ishki ónimge shaqqanda memlekettik borysh kóleminiń limiti 50% bolǵanda - 24%-dy qurady. 2020 jylǵy birinshi toqsannyń sońynda bul kórsetkish 25,5% teńesti. 2019 jyly biýdjetke túsken boryshtyq júkteme 15% limittiń 12,9%-yn qurady. Boljam boiynsha, 2020 jyly bul kórsetkish respýblikalyq biýdjet kiristeriniń shamamen 13,1%-yn quraidy, iaǵni bul qaýipsiz deńgei», - dedi Erulan Jamaýbaev OKQ alańy arqyly halyq aldynda esep berý kezinde.
Osylaisha, ministr memlekettik boryshty qaýipsiz deńgeide ustaý úshin barlyq qajetti sharalar qabyldanyp jatqanyn jetkizdi.
