قارجى مينيسترٸ ەرۇلان جاماۋباەۆ قازاقستاننىڭ مەملەكەتتٸك قارىزى قانداي دەڭگەيدە تۇرعانىن ايتىپ بەردٸ, دەپ حابارلايدى قازاقپارات.
«2019 جىلدىڭ قورىتىندىسى بويىنشا, جالپى ٸشكٸ ٶنٸمگە شاققاندا مەملەكەتتٸك بورىش كٶلەمٸنٸڭ ليميتٸ 50% بولعاندا - 24%-دى قۇرادى. 2020 جىلعى بٸرٸنشٸ توقساننىڭ سوڭىندا بۇل كٶرسەتكٸش 25,5% تەڭەستٸ. 2019 جىلى بيۋدجەتكە تٷسكەن بورىشتىق جٷكتەمە 15% ليميتتٸڭ 12,9%-ىن قۇرادى. بولجام بويىنشا, 2020 جىلى بۇل كٶرسەتكٸش رەسپۋبليكالىق بيۋدجەت كٸرٸستەرٸنٸڭ شامامەن 13,1%-ىن قۇرايدى, ياعني بۇل قاۋٸپسٸز دەڭگەي», - دەدٸ ەرۇلان جاماۋباەۆ وكق الاڭى ارقىلى حالىق الدىندا ەسەپ بەرۋ كەزٸندە.
وسىلايشا, مينيستر مەملەكەتتٸك بورىشتى قاۋٸپسٸز دەڭگەيدە ۇستاۋ ٷشٸن بارلىق قاجەتتٸ شارالار قابىلدانىپ جاتقانىن جەتكٸزدٸ.
