2020 jyldyń 7 aiynyń qorytyndysynda mashina jasaý salasynda óndiris kólemi 13,9 paiyzǵa ósti. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Mashina jasaý salasy jaqsy nátije kórsetip, óndiris kólemi 13,9 paiyzǵa ósti. Avtokólik quraldary, treilerler jáne jartylai tirkemeler 45,1 paiyzǵa, mashinalar men jabdyqtardy jóndeý jáne ornatý 3,4 paiyzǵa, ózge kólik quraldaryn jasaý 113,8 paiyzǵa, elektr jabdyqtardy jasaý 0,2 paiyzǵa artty. Farmatsevtika ónerkásibinde óndiris kólemi 23,2 paiyzǵa ulǵaidy», - ded ol.
Ministrdiń dereginshe, jeńil ónerkásipte óndiris 7,3 paiyzǵa ósti.
«Kólik salasynda naqty kólem indeksi biylǵy 2020 jyldyń qantar-shilde ailarynda 84,4 paiyzdy qurady. Konteinerlerdiń tranzittik tasymaldarynyń kólemi ótken jyldyń sáikes kezeńimen salystyrǵanda 37 paiyzǵa artty jáne 483,1 myń jiyrma fýnttyq balamany qurady. Kóliktiń barlyq túrlerimen júk tasymaldaý kólemi 7,5 paiyzǵa tómendedi jáne 2,1 mlrd tonna qurady», - dedi Beibit Atamqulov.
