2020 جىلدىڭ 7 ايىنىڭ قورىتىندىسىندا ماشينا جاساۋ سالاسىندا ٶندٸرٸس كٶلەمٸ 13,9 پايىزعا ٶستٸ. بۇل تۋرالى ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى "ۇلت اقپارات".
«ماشينا جاساۋ سالاسى جاقسى نەتيجە كٶرسەتٸپ, ٶندٸرٸس كٶلەمٸ 13,9 پايىزعا ٶستٸ. اۆتوكٶلٸك قۇرالدارى, ترەيلەرلەر جەنە جارتىلاي تٸركەمەلەر 45,1 پايىزعا, ماشينالار مەن جابدىقتاردى جٶندەۋ جەنە ورناتۋ 3,4 پايىزعا, ٶزگە كٶلٸك قۇرالدارىن جاساۋ 113,8 پايىزعا, ەلەكتر جابدىقتاردى جاساۋ 0,2 پايىزعا ارتتى. فارماتسەۆتيكا ٶنەركەسٸبٸندە ٶندٸرٸس كٶلەمٸ 23,2 پايىزعا ۇلعايدى», - دەد ول.
مينيستردٸڭ دەرەگٸنشە, جەڭٸل ٶنەركەسٸپتە ٶندٸرٸس 7,3 پايىزعا ٶستٸ.
«كٶلٸك سالاسىندا ناقتى كٶلەم يندەكسٸ بيىلعى 2020 جىلدىڭ قانتار-شٸلدە ايلارىندا 84,4 پايىزدى قۇرادى. كونتەينەرلەردٸڭ ترانزيتتٸك تاسىمالدارىنىڭ كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 37 پايىزعا ارتتى جەنە 483,1 مىڭ جيىرما فۋنتتىق بالامانى قۇرادى. كٶلٸكتٸڭ بارلىق تٷرلەرٸمەن جٷك تاسىمالداۋ كٶلەمٸ 7,5 پايىزعا تٶمەندەدٸ جەنە 2,1 ملرد توننا قۇرادى», - دەدٸ بەيبٸت اتامقۇلوۆ.
